
Cezaya tepişteyo ke ganî biameyîne tahlîyekerdene 6 mengan ame dergkerdene 

2021-03-11 09:10:02


	&nbsp;

	AMED - Bayram Arî ke 9 serrî û nîm tepişteye bi, ame zanayîş ke cezaya ey 6 mengî ameya dergekerdene. Cinîya ey Atîye Arî dîyar kerd ke bi no hawa hem keye û hem zî tepişteyan mexdur kenê.

	&nbsp;

	Bayram Arîn 2011 de operasyonê KCKyî de ame tepiştene û bi 9 serrî û nîm bi zîndan de bi. Pêwa ke cezaya ey qedîyaya zî nîno tahlîyekerdene. Cinîya ey Atîye Arî dîyar kerd ke pêwa cezaya ey qedîyaya zî 6 mengî bîn zî derg kerdê.

	&nbsp;

	‘Ceza qedîya la nîno tahlîyekerdene'

	&nbsp;

	Atîye dîyar kerd ke 2011 de mêrdeyê aye bi operasyonê KCKyî ameyo tepiştene û 9 serrî yo ke tepişte yo û vat: "Mêrdeyê mi wextê ke tepiştebi ma xeylêk zehmetî ant. Her wext surgunê zîndanê cîya kerdêne. Vernê de zîndanê Tîpê D yê Amedî de bi. Dima ra surgunê Kastamonu, Îgnebolu û tewr peyîn zî surgunê Boluyî kerdî. Seba ke dûr bi şansê ma çinbi ke ma şêrê pêvînayîş zî bi taybetî pandemî dir no di rey zehmet bi."

	&nbsp;

	'Pêwa pandemîyî tahlîye 6 mengî bîn ame taloqkerdene'

	&nbsp;

	Atîye tewr peyîn win avat: "6 mengî taloq kerdê. Mêrdeyê mi nêweşê astim û xeylêk nêweşîyê bîn yê kronîkî yo. Pêwa pandemî nîno tahliyekerdene. Xeylêk kesî sey ey ê. Vanê her wext maske danê verê fekê xo. Gelo do no heta key wina bo. &nbsp;Tedbîrê zîndanî xeylêk qels ê. Ma avûkatî gerîyayî vat, ceza qedîyaya la hema tepişte yo. Avûkat vat, no suc o û muracat bikerê. Mêrdeyê mi zî zîndan de muracat kerdo. Ma heqê xo gêrenê. No çîyêko yeno kerdene, zulm o."

	&nbsp;

	Atîye tewr peyîn qiseykerdişê xo de veng da, tena ê ney, xeylêk keyeyî sey înan estê û vat, ganî tepişteyî bilez bêrê veradayene.

	&nbsp;