Aktîvîsta TJAyî Zelale: Ma bi wayîrvejîyayîşê destkewtişê meydanan bî 

2021-03-10 10:15:01


	 

	 

	Safiye Alagaş

	 

	AMED - Aktivîsta TJAyî Zelale Bîlgîn 8ê Adare erjnayîş û vat: “Ma wayîrê destkewtişê tarîxî vejênê. Ma bi hêzê xo yê rêxistinbîyayîşê xoser qerarê dewamkerdişê xoverdayîşî da. Nê hêzî dir zî ma do her wext meydanan de bê."

	 

	Cinî bi rojano seba 8ê Adare Roja Cinîyan ê Dinya pîroz bikerê, amadekarî kerdî. Tevgerê Cinîyê Azadî (TJA) bi sloganê, 'Hemverê qirkerdişê cinî cuye, hemverê tecrîdî ma azadî pawenê' 1ê Adare de Amedî de startê 8ê Adare da. TJAyî dimayê startî sînevîzyon ramojna, pêvînayîşî bi cinîyan dir ame kerdene, serdayîşê dewan, panel û bername, tepişteyan rê qertan erşawitişî. TJAyî seba mîtîngê ke bi rayberîya Platformê Cinîyan ê Dîcle Amed (DAKP) organîze kerd zî dewe bi dewe geyrayî û cinîyan dawetê mîtîngê 8ê Adare kerdî û paştdayîşê cinîyan resnayî wareyan.

	 

	'Ma xeta têkoşînî xurt kerd'

	 

	Aktîvîsta TJAyî Zelale Bîlgîn xebatê 8ê Adare û mîtîng erjna û dîyar kerd ke bi sloganê ‘cinî ciwîyayîş azadî' reyke bîn ameyo vatiş tena cumleyêke nîyo û wina vat: "Rosayan ra heta Sarayan, Leylayan heta Ayşeyan xoverdayîş her meydan de roj bi roje pîl kerd. Her slogan de vatişêk, her pankartêke de çîyêk xo rê kerdî sebebê hêrsî û seba m apeyser game nêerzê, her çî kerdî. AKP kongreyê xo yê ke salonanê padaye de organîze kenê, seba mîtîngê ke meydanan de yenê kerdêne pandemî kenê sebeb û hewl dayî ke red bikerê. Seba tewrbîyayîşê mîtîngan kêm bikero, kodê HESî ferz kerdî. Pêwa nînan cinîyî ameyî têhet. Ma ameyî têhet, ma huyayî û ma cinîyê ke rastê şîdetî ameyî de ameyî têhet û ma hesrî varnayî û ma bî hemkarê têkoşînê înan."

	 

	'Ma bî kabûsê înan'

	 

	Zelale dewam de wina vat: "Seke cewabê hemverê bêçaretî, ma do her ware bi govend û tililiyan cuya newe ya azad awan bikerê. Nê mohrê xo da piro. Ma vat têkoşîn û serewedaritişê ma esto û ma reyke bîn zî ramojna ke sîstemo serdest yê camêrdî nêeşkeno ma teslîm bigîro. Ma bî kabûsê kesê ke tehemulê înan zafrengî rê çinî yo."

	 

	'Do ma her ware de bivînê'

	 

	Zelale dîyar kerd ke bi sloganê, ‘Ma vera qirkerdişê cinî cuye, vera tecrîdî azadî pawenê' meydana de wayîrê destkewtişê xo yê tarîxî vejîyayî û wina vat: "Heta ke ameyoxêke azad û adîl bi ca nêro, şima do her meydan de ma bivînê. Emsar ma pandemî de 8ê Adare pêşwazî kerd rêxistin kerd. Pandemî de bi desan dî ke cinî senî şertê giranan de ciwîyenê."

	 

	‘Ma vat ma nêbenê cinîyê makul’

	 

	Zelale tewr peyîn vat ke yeno waştene ke cinî mahkumê şîdetî bê û zîhnîyetê serdestî yê camêrdan vera ke bibo çareserî, camêrdan paweno û bi polîtîkayê xo cinîyan bêçare verdeno û hewl danê ke cinî hemverê qederê xo sere biitewênê. Sewbîna Zelale dîyar kerd ke cinîyan meydan de vengê xo berz kerdê û do tu wext cinîya makul qebûl nêkerê û sere nêtewênê.

	 

	Zelale qiseykerdişê xo wina qedêna: "Ma do bibê vengê cinîyan ê seba ke nasnameyê sîyasî ra ameyê tepiştiş. Yewin cewabê cinîyan ê hemverê şîdetê camêrdan ke her ke şino xidar beno, bêguman do meydanan de bêro dayene."