Cinî do bi coşê 8ê Adare şêrê roşanê Newroze 

2021-03-10 09:49:55


	 

	 

	Sema Çaglak

	 

	AMED - Cinîyê ke tewrê mîtîngê Amedî yê 8ê Adare bibî bale antî serê 21ê Adare Roşanê Newroze û dîyar kerdî ke wa cinîyê kurdî bi cil û belgê xo yê kurdî bi coşê 8ê Adare bêrê Newroze.

	 

	Bi destpêkê menga Adare dir reng û xemlê cinîyan xo dano teber. 8ê Adare seba cinîyan rojêka xoverdayîş û berzkerdişê têkoşînî ya. Coka cinîyê kurdî 8ê Adare ra heta Newroze nê rojan seke rojê tewr bi mana û rengîn gênê dest. Cinîyê kurdî 8ê Adare de dest bi rayrayîşê xo kenê, Newroze de rêsenê yewbînan û têkoşînê xo berz kenê. Roşanê Newroze ke her serre her hetê dinya de hetê kurdan ra ameyîne pîrozkerdene, par seba janê Koronayî (COVID-19) bi girseyî nêamebi pîrozkerdene. Cinîyê ke tewrê mîtîngê 8ê Adare ya Roja Cinîyan ê Dinya ke bi rayberîya DKAPî de ame kerdene de bî, bi coş wazenê ke şêrê Roşanê Newroze.

	 

	'Ma do bi eynî coş newroze zî pêşwazî bikerê'

	 

	Cinîyan ra Selva Çam dîyar kerd ke coşê 8ê Adare xo bi resnê roşanê newroze û vat: "Ez wazena ke ma bi coşê 8ê Adare roşanê Newroze de kom bibê. Ma pêro cinî her wext pey azadî de yê û kulturê xo resenê her ca. Mîtîngê 8ê Adare de polîsan nokteyê cigêrayîşî de ma rê zehmetî vetî. Seba ke ma nêrê têhet, pêro çî kerdî. La ma nê astengîyan bi hêzê xo veng vejenê. Senîn ke ma ewro 8ê Adare de ameyî têhet, ma wazenê bi eynî coşî şêrê meydanê Newroze û pîroz bikerê.”

	 

	‘Do no coş û ruhê xoverdayîşî Newroze de zî bibo'

	 

	Melek Başkale zî vat ê do bi xemla xo biherikyê meydanê Newroze û vat: "Hemine dî ke cinîyan senî bi coş meydanan pir kerd. Ma wazenê eynî coş Newroze de zî bibo.  çawa bi awayekî coş û berxwedêr tijî kirin. Gama ke pêro cinî kom benê, ruhê xoverdayîşî vejîyeno meydan. Her çiqas rojêke ser ra derbaz bibo zî hêz û têkoşînê cinîyan tewr zêde beno. Ma reng û coşê cinîyan her wext mîyanê meydanan de vînenê."

	 

	'Ma wazenê newroze seke serra 2013î biba'

	 

	Cinîya ke nêwaşt name û peynameyê xo pare bikera, serê manaya Newroze de vinderte û wina vat: "Roşanê Newroze seba ma kurdan roja xoverdayîş û bîyayîşî yo. Par seba nêweşîya korona ma seke ameyîne waştene Newroze pîroz nêkerd. Korona seke sebeb ramojnayî. La emsar ma wazenê Newroze zî bi coşê 8ê Adare biba. Emsar her çar parçeyê Kurdistanî de ma wazenê newroze pîroz bikerî. Ma wazenê seke serra 2013î qelebalix bibo. A serre her kes teber ra amebi. Ez veng dana temamê cinîyê kurdan ke wa bi cil û belgê xo yê kurdî tewrê Roşanê Newroze bibê."

	 

	'Wa xeml û xêze xo bêrê newroze'

	 

	Tewr peyîn Zuhal Çelîk qisey kerde û vat: "Wa pêro kurdî bi cil û bellllgê xo yê kurdî û bi xeml û xêze xo bêrê Roşanê Newroze. Ma par waşt pîroz bikerê, la destûr nêdayî. Vatî seba virusî qedexe esto. La ma reyna zî bi îmkanê xo pîroz kerd. La na rey pêwa pêro astengî, şert û mercan meydanê Newroze de bêrê têhet."