Sitargehê çûçikan 

2021-03-07 14:41:48


	 

	 

	Sema Çaglak

	 

	AMED - Dewêka girêdayê qezaya  Farqînê ya Amedî de, dara ke sitargehê, çûçikan kena, bi reng û weşikbîyayîşê xo merdimî bi hûzur kena û seba pawitişê halînê çûçikan zî dergûşîye kena.

	 

	Bi ameyîşê wisarî dir hêdî hêdî xemilyayîşê erd û asmênî reseno yewbînan. Dewêka girêdayê qezaya Farqînê ya Amedî de bi ameyîşê wisarî û bi germbîyayîşê hawayî dir, semedê çûçikan bena halîn. Na dara ke semedê çûçikan bîya sey sitargeh, bi veng û weşikbîyayîşê xo merdiman mest kena. Na dare hem pawitişê çûçikan kena û hem zî dergûşîye kena.

	 

	Gama merdim nêzdîyê dare beno, wareyêk tena semedê halînê înan ameyo cîyakerdene û pêwa nê xeylêk vengê çûçikan yeno goşê ma. Derûdorê nê daran de batax û awîye estê. Yanî merdim bi asanê nêeşkeno nêzdîyê nê daran bibo.