Cinîyê Botanijî: Bi ruhê Asya û Berjînan ma do meydanan de bê 

2021-03-03 09:23:05


	 

	 

	Rojda Aydin

	 

	ŞIRNEX - Cinîyê Botanijî ke amadekarîyê 8ê Adare Roja Cinîyan ê Dinya kenê, ardî ziwan ke ê do bi ruhê Asya û Berjînan yê têkoşer wareyan de bê û veng dayî pêro cinîyan ke 8ê Adare de wareyan de vengê xo berz bikerê.

	 

	Cinî hemverê polîtîkayê qirkerdişî yê îqtîdarî de emsar zî 8ê Adare Roja Cinîyan ê Dinya de meydanan de bê û a roje açarnê roja xoverdayîş û têkoşînî. Rayberîya Tevgerê Cinîyan ê Azadan (TJA) emsar do cinî bi sloganê, “Ma vera qirkerdişê cuye, vera tecrîdî azadî pawenê" meydanan de bê û vengê xo berz bikerê. Cinîyê Botanijî ke amadekarîya 8ê Adare roja xoverdayîşî kenê, dîyar kerdî ke ê do bi ruhê Asya û Bêrjînan meydanan de bê.

	 

	‘Ma do 8ê Adare de vengê xo berz bikerê'

	 

	Hemsereka HDPyî ya Cizîrî Guler Tunç, bale ant serê kampanyaya TJAyî ya “Ma xo pawenê" û vat, çarçewaya na kampanya de xo resnayê bi hezaran cinîyan. Gulere, wina vat: "Amancê kampanya ma vera hêrişê xoza, şîdet, qirkerdişê cinîyan, qirkerdişê ziwanî û şero taybet ê AKP-MHPyî xoverdayîş o. Ma nika zî kampanyaya ‘Seba cinîyan Edalet’ da destpêkerdene. Na kampanyaya ma zî 4 mengan do dewma bikera. Ma zanê ke Tirkîya de seba cinîyan edalet çin o. Kesê ke cinîyan qetil kenê, nînê muhakemekerdene. eke Pêkerdişê Stenbolî ewro bi ca ameyîne do ewro hende qirkerdiş nêbîne. Seba qetilkerdişê cinîyan, ziwan, kultur û nasnameyê ma, ma vanê edalet. Ewro kultur û ziwanê ma ameyo qedexekerdene. Her ware de camêrdî hêrişê ma cinîyan kenê. Ma seke TJA di kampanyayan pîya kenê. Proseso ke ma ewro ci de yê, seke rojê verê nîyo û seranserê Tirkiya de bê edaletî esto. Ma seke cinîyî vera hêrişan meydanan de bê. Ma do 8ê Adare de vengê xo berz bikerê. Ma bi tena 8ê Adare de ney û 25ê Teşrîna Peyêne de ma do her roje meydanan de vengê xo berz bikerê. Tecrîdê ewro serê Birêz Ocalan de ameyo girankerde serê temamê komelî de yeno kerdene û heta keyeyê ma zî binê tecrîdî de yê. Bi taybetî no tecrîd serê paradigmayê cuye yo. Eke ma wazenê paradîgmayê cinîyan azad bikerê, ganî ma vernê de tecrîdê Îmralî peynî bikerê û Birêz Ocalanî azad bikerê."

	 

	‘Bi ruhê Asya, Sêvê, Pakîze, Fatma û Berjînan…’

	 

	Gulere tewr peyîn qiseykerdişê xo de wina vat: "Herêma Botanî de wextê şerî de qedexeyê tebervejîyayîşê kuçeyan de Asya Yûksel, Pakîze Nayir, Sêvê Demîr, Fatma Uyar û xeylêk cinî ameyî qetilkerdene. Şerê xoserî de cinî rayberî kerd. Serrê 90an de Berîvanan Botan de serewedaritiş kerd. Çîyo ke ewro ma cinîyê Botanijan serê lingan de verdeno amanc û xeyalê nê embazanê ma yê. Bi ruhê Asya, Sêvê, Pakîze, Fatma û Berjînan ma do meydananê herema Botanî de bê."

	 

	'Ma wazenê tecrîd bêro wedaritene'

	 

	Hemsereka HDPyî ya Şirnexî Sabuha Akdag zî dîyar kerd ke 8ê Adara emsarî serra vîyerta ra hîna cîya û girîng a û vat: "8ê Adare emsarî seba qirkerdişê cinîyan, nêheqîyê ke zîndanan de yenê ciwîyayîş, tecrîdo girankerde û grevê vêşanîye ra zaf girîng ê. Waştişê ma oyo ke qirkerdiş û tedayî vera cinîyan peynî bê. Ma wazenê pêro cinî bi hawayêko topyekûn meydanan de bê û vengê xo berz bikerê. Sewbîna seba tecrîdê serê Birêz Ocalanî bêro wedaritene û çalakîya grevê vêşanîye peynî biba zî ma do meydanan de bê. Têkoşînê Berjîn û Asyayan heta n aroje ameyo û ma zî ewro wayîrê înan vejênê. Ma do bi ruhê Berjîn û Asyayan meydanan de bê. Botan wareyê xoverdayîşî yo. Têkoşîn û xoverdayîşê ma her ca de esto. Ma wazenê 8ê Adare de tecrît bêro wedaritene û aştî bikerê."

	 

	'Ma do seserrê 21ine bikerê seserra cinîyan'

	 

	Aktîvîsta TJAyî Zîlan Ecevît zî wina vat: "Cinîyan heta ewro vera sîstemê camêrdan û dewlete de xoverdayîş û têkoşînêko pîl dayê. Hemverê sîstemê nîjadperest bedelê pîl ameyê dayene. Cinî qet fek xoverdayîşê xo yê hemverê sîstemê camêrdî vera nêdaya. Labelê sîstemê camêrdan û dewlete wazena cinîyê keye de heps bikerê. Sewbîna ma do seserra 21ê de bi ruhê têkoşînê tecrîdî bişiknê û Birêz Ocalan Azad bikerê. Ma do seserra 21ê bikerê cinî û azadîya komela bindestî. Cinîyê kurdî xoverdayîşêk pîl dayê. Nimûneyê ci zî xoverdayîşê Rojawan yo. Seba ke xoverdayîşê cinîyê Rojawan bi model seba dinya. Cinîyê Rojawanî seke nimûneyê xoverdayîşî yeno vînayene. Cinîyê kurdî yê xoverdayoxî bi modelê Rojawan yenê naskerdene. Vengdayîşê ma heme cinîyê dinya rê oyo ke 8ê Adare de hemverê sîstemê camêrd û dewlete sere wedaritene. Ma wazenê qirkerdişê cinîyan peynî bibo."

	 

	‘Têkoşînê ma cinîyan wareyan de dewam keno'

	 

	Aktîvîsta TJAyî Emîne Înan zî vat: "Xoverdayîşê bi têkoşînî ame destpêkerdene. Rozayan ra heta Sakîneyan no xoverdayîşê heta seserra 21ê ameyo bi têkoşînê înan ameyo na sewîya û pîl bîyo. Hemverê qirkerdişê, tacîz û tecawuz, hêrişê hemverê erjê komelî, ziwan, kultur û nasnameyê têkoşînê ma cinîyan dewam keno. Hemverê hêrişê îktîdarê AKP û MHPyî vindertişê cinîyan dîyar o. Na çarçewa de ma do meydanan de bê. Ma vera caardişî ma cinî sere nêtewênê û vengê xo berz kenê. Ma seke TJAyî bi sloganê, 'Hemverê qirkerdişê cinî cuye, hemverê tecrîdê azadî pawenê' wareyan de bê. Cinî hemverê zulmî sere wedarnenê û ma şîdet qebûl nêkenê. Cinî her wareyî de vengê xo berz bikerê."

	 

	‘Cinî girêdayê cuye yê'

	 

	Aycan Azma zî derheqê 8ê Adare de wina vat: "Wextê merdimî tarîxê cinîyan ewnîyeno cinî tim ameyo pelçiqnayîş û çin ameyo hesibnayîş. Heqê cinîyan yeno binpaykerdiş. Hemverê bîyayîş û heqê cinîyan şerêk pîl esto. Wazenê vengê cinîyan qût bikerê û bikerê kole. La ma destûr nêdanê nê çî û sere wedarnê. Îradeyê cinîyan çin vînenê. Labelê do îradeyê cinî serkewte bi. Ma tena heqê cinîyê kurdî, sewbîna heqê heme cinîyê dinya pawenê. her wiha mafên hemû jinên cihanê diparêzin. Ganî her cinîyêke paştdayîş bidê cinîyê kurdî. Ça cinîyêke bê qetilkerdene vengê xo berz kenê. Ganî 8ê Adare de heme cinî wirzê serê lingan û meydanan de şîdetê serê cinî qebûl nêkenê. Cinî girêdayê cuye ya. Sîstem, serê cinîyan de heme polîtîkayê lêşin keno. Her ware de hêrişê cinîyan yeno kerdene. La cinî hemverê hêrişan serê lingan de yê. Wexto ke cinî bi ser kewtî do heme dinya bi ser kewo."