Cinîya ke xo pawit ameye waştene ke bêra muhakemekerdene 

2021-03-01 09:10:26


	 

	 

	MÊRDÎN - M.T. a ke hetê camêrdo ci dir zewicnayî H.T. bi şîdetî dir rî bi rî ameye verdayîş, xopawitişê cewherî kerd. Serê gerrekerdişê camêrdî dewa ameye akerdene û dozgerî waşt ke "mudafayê meşrû" bêro muhakemekerdene.

	 

	M.T. ya ke waşt camêrdo ey dir ameya zewicnayîş H.T. vera bido, rastê şîdetê ey ameye. M.T. vera şîdetê camêrdî waşt ke xo bipawa û xopawitişo cewherî kerde û versûc birîndar kerd. Nê ser o H.T. gerre kerd. Serdozgerî ke cipersayîş da destpêkerdene dîyar kerd ke M.T hêzê xo pawitişî xebitnaya, la seba ke bi zanabîyayîş kes birîndar kerda, lazim o hukmê "meşrû mudafa" yê 25ine madeya TCKyî bi ca bîyarê.

	 

	Serdozgerîya Komare ya Mêrdînî serê gerrekerdişê H.T. derheqê M.T. de îdianameyê "birîndarkerdişê asan" ame amedekerdene.

	 

	'Mi xo merg ra xelas kerd'

	 

	Îfadeyê M.T. ya ke îdanameyî de ca gênê bi nê rengî yê: "Mi waşt ez dewaya qedênayîşê zewacî bidî destpêkerdiş. Wexto ke mi bi H.T. dir pare kerd, ey hêrişê mi kerd û waşt ke mi qetil bikero. Ez kewta rewşêka zaf xirab. La seba ke ez xo xelas bikera, ez mecbûr menda ke zirar bida ey. Mi xo merg ra xelas kerd."

	 

	Beno ke cezaya pere bêro birnayene

	 

	Serdozgerî ke cipersayîş taqîb keno dîyar kerd ke M.T. hêzê xopawitişî kerda û no zî sûc nîyo. La ame vatiş ke ganî hukmê "meşrû mudafa" yê 25ine madeyê TCKyî bi ca bîyarê. Goreyê nê madeyan lazim o M.T. 4 mengan ra heta serrêke cezaya zîndanî bigîra, yan zî goreyê birîne mexdûrî do cezaya pere ci bêra birnayene.