Stenbol de cinî seba 8ê Adare amadekarî kenê 

2021-02-28 09:24:47


	 

	 

	STENBOL - Stenbol de rêxistinê cinîyan xo seba 8ê Adarê Roja Cinîyan ya Dinya amade kenê. Stenbol de cinî do bi waştiş, hêrs û coşê xo kuçeyan de pirr bikerê.

	 

	Xebatê 8ê Adare Roja Cinîyê Dinya bê mabên dewam kenê. 2020 de pêwa pêro şîdetê serê cinîyan de cinîyan reyna meydanan pir kerdibî û wayîrê destkewtişê xo vejîyabî. cinîyê ke vera her tewir hêrişê sîstemê serdest yê camêrdan xo ver dayî, 8ê Adare de do vera patrîarka, îqtîdarê camêrdan, homofobî û qeyûman bêrê têhet. Platformê Cinîyan seba 8ê Adare do 5ê Adare de Kadikoy de bernameyêk viraznê û 8ê Adare de zî do Paştdayîşê Mor, Pîrebokê Kampusî û Torra Pawitişê Cinîyan Rayrayîşê Şewe yê Femînîstî bikerê.

	 

	Seba ke hewnê Patrîarka biremnê xo amade kenê!

	 

	Denîze Aslan dîyar kerd ke Pîrebokê Kampusî bi tempoyêk pîl dest bi xebatan kerdê û vat, bi paştdayîşî xebatan kenê. Denîze vat ke Pîrebokê Kampusî atolyeyê şîarê kerdişî û cinîyan dir ercnayîş kerdê.

	 

	'Ma seba sîstemê pederşahî ra vajê ma estê meydanan de yê'

	 

	Pîrebokê Kampusî ra Gîzeme Alîca vat ke bi vengdayîşê Platformê Cinîyan ê 8ê Adare do 5ê Adare de Kadikoy û 8ê Adare de zî Rayrayîşê Şewe yê Femînîstan ê Taksîmî de bê. Gîzeme dîyar kerd ke 2020 zor bi la cinîyan emsar zî têkoşînê xo kerdî û wina vat: "Ma do reyna bi pîrebokî û xoverdayîşê xo wareyan de bê. 8ê Adare seba ma girîng o. Ma do hewnê patrîarka biherimnê. Cinî û kesê LGBTÎ binê hêrişê cidî de yê. Seba ke ma bibê yew û hêzê xo ramojnê, ganî ma 5 û 8ê Adare de bêrê têhet."

	 

	'Ma do hemverê kesê ke qerarê ma çin hesibnenê de kuçeyan de bê'

	 

	Vervatoxa Paştdayîşê Morî Cemîle Baklaci zî dîyar kerd ke polîtîkayê vera destkewtişê cinîyan xidar bîyê û vat: "Îqtîdarê camêrd bi vatişê xo ma dişmin vînenê. Xoverdayîşê gezî heta nika cinî wareyan de xo ver danê. Ma do emsar zî wareyan de bê. 8ê Adare emsar bi mana yo. Pêwa pandemî reyna cinî kuçeyan de bî. Ma do hemverê munaqeşeyê wedaritişê Pêkerdişê Stenbolî de bi hêrsêk cidî kuçeyan de bê. Îqtîdar bi qeyûman îradeyê cinîyan çin hesibneno. Ma seke Paştdayîşê Morî do vajê, 'qerarê şima ney, qerarê ma' kuçeyan de bê."

	 

	'Ma bi cinîyan dir wezîfeyê hempar gênê'

	 

	Torra Pawitişê Cinîyan ra Sezene Ozkan dîyar kerd ke verê pandemî 8ê Adare bi cinîyan dir pîroz kerdê û vat: "Amadekarîyê 8ê Adare her ca de yenê kerdene. Ma xeylêk şaristanan de estê. Ma pêro cinîyan dir wezîfeyê hempar kenê. Torra Pawitişê Cinîyan şîarê 8ê Adare seke ‘hemverê şîdetê camêrd patrîarka, ver bi pawitişê cewherî yê femînîst’ ame dîyarkerdene. Pawitişê cewherî yê femînîst xeta ma ya. Ma nê seke mudaxaleyêko fîzîkî bi name nêkenê. Ma seke serwedaritişêk kolektîf, xurtbîyayîşêk kolektîf bi name kenê. Ma derheqê nê de atolyeyan zî kenê."

	 

	 'Ma do vengê Melek Îpek berz bikerê'

	 

	Sezene tewr peyîn wina vat: "Cinî seba cuya xo pawitişê cewherî kenê. Melek Îpek zî nê cinîyan ra yew a. Ma her îmkan de pawitişê cewherî anê ziwan. Ma pêro esas de vera şîdetê camêrdan têkoşîn kenê. Tîya de berzkerdişê nameyê Meleke Îpek girîng o. Eke cinî vengê Şule Çet berz nêkerdêne, do rastî nêvejîyayîne meydan. Têkoşînê Gulîstan Doku zî çîyêk winasî yo. Ma do vengê Meleke Îpek berz bikerê. Ma amadekarîyê 8ê Adare xeylê xo Stenbol û Enqere de Mor Mekan de kenê. Hopayî de çarçewaya xebatê 8ê Adare de ma do Mor Mekan abikerê. Şîlane xoverdayîşê Bogazîçî de ameye tepiştene. Şîlane zî  Torra Pawitişê Cinîyan bî. Ma do atolyeyêke şawitişê mektuban seba Şîlane bikerê. Senîn ke do meydanan de Meleke vatişê ma bo, do Şîlane zî sozê ma bo."