
Grevê vêşanîye roja 93ine de yo 

2021-02-27 14:22:57


	&nbsp;

	MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 19ine dewr girewt û roja 93ine de dewam keno.

	&nbsp;

	Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 19ine dewr girewt, grev roja 93ine de dewam keno.&nbsp;

	&nbsp;

	Însîyatîfê Dayîkê Aştîye dest bi xebata dîplomasî kerdî

	&nbsp;

	Însîyatîfê Dayikê Aştîye ya Stenbolî seba bale biancê serê grevê vêşanîye çarçewaya xebatê dîplomasî yê dayî destpêkerdene bi parlamenterê CHPyî Sezgîn Tanrikulu dir ameyî têhet. Xeylêk Dayîkê Aştîye tewrê pêvînayîşê Şubeyê &nbsp;ÎHDyî yê Stenbolî de ame kerdene bî.

	&nbsp;

	Vera ziwanê şerî vengdayîşê yewîye

	&nbsp;

	Dayîkê ke pêvînayîş de heqê qiseykerdişî girewtî, binpaykerdişê heqan yê rî danê qal kerdî û vatî înan 3 mengî grevê vêşanîye pey xo de verdenê. Dayîkan vatî, "Erdogan bi ziwanê şer qisey kerd. Ganî ma meclîsî bibê yew û vernîya nê bigîrê. Ma seke dayîkî heta destê ma bêro wazenê seba nê yewî çîyêk bikerê. Ehlaqê şerî zî estê. Zerra ma zî veşena.” Sezgîn Tanrikulu ke dayîkan goşdarî kerd û dîyar kerd ke ameyîşê ey pêwa Dayîkê Aştîye seba ey rûmetêke yo û vat, waştişê heqdar yê dayîkan estê û bi serran o zî wareyê pawitişê heqê merdiman de xebatan keno.

	&nbsp;