10ine roniştişê Sebahat û Gultane dest pêkerd 

2021-02-26 14:51:02


	 

	 

	MELETÎ - 10ine roniştişê dewaya derheqê Hemsereka Pêroyî ya DBPyî verê Sebahat Tuncel û Hemşaredara Amedî ya verê Gultan Kişanak de ameye akerdene, Dadgeha Meletî de dest pêkerd.

	 

	Hemsereka Pêroyî ya DBPyî ya verê Sebahat Tuncel û Hemşaredara Amedî ya verê Gultan Kişanak bi îdiayê “endamê rêxistine yê” û “propaganda rêxistine kerdê” dewa înan rê ameya akerdene. Roniştişê 10ine dewa Dadgeha Cezaya Giran ya 5ine ê Meletî de dest pêkerd. Gultane bi rayîrê dîmen û vengî (SEGBÎS) Zîndanê Kandirayî yê Cinîyan ra beşdarê roniştişî bî. Avûkatê aye Serekê Baroyê Amedî Cîhan Aydin, Mehmet Emîn Aktar û Mesût Beştaş zî bi rayîrê SEGBÎSî Edliyeyê Amedî de tewrê roniştişî bî.

	 

	Sebahate seba sewqê aye nêweşxaneyî ameyo kerdene, bi sebebê karantîna de ya tewrê roniştîşî nêbî. Verê roniştişî, polîsan derûdorê edlîye de tedbîrê zêde girewtî.

	 

	Rûniştiş bi pawitişê avûkatanê Sebahat û Gultane dest pêkerd û dewam keno.

	 

	Dadgeha Meletî bi îdiayê “endamî û propagandayê rêxistine” 15 serrî cezaya zîndanî Sebahate rê birnabi û bi eynî îdiayî zî 14 serrî û 3 mengî ceza Kişanak rê birnabi. Avûkatan herdi sîyasetmedaran zî neqlê Dadgeha Îstînafî yê Dîlokî. Dadgeha Îstînafî qerarê Dadgeha Meletî ke sîyasetmedaran neql kerdib xira kerd û waştibi dewa newe ra Meletî de bêro vînayene.