
Meclîsê Şarî yê Wargehê Mexmûrî kombîyayîşê xo yê serrêke viraşt 

2021-02-26 14:34:19


	&nbsp;

	&nbsp;

	MEXMÛR - Ewro Meclîsê Şarî yê Demokratîkî yê Wargehê Mexmûrî bi amadebîyayîşê 335 delegeyan dir kombîyayîşê xo yê serre viraşt.

	&nbsp;

	Meclîsê Şarî yê Demokratîkî yê Wargehê Şehîd Rûstem Cûdî (Mexmûr) bi beşdarbîyayîşê pêro sazgehan kombîyayîşê xo yê serrêke viraşt. Kombîyayîş Salonê Konferansî yê wargehê Mexmûrî ame viraştene. Verê ke kombîyayîş dest pê bikero seba pêro temamê cangorîyê azadî deqeyêke rêz ame girewtene.

	&nbsp;

	Dimayê rêzgirewtişî Hemsereka Dîwanê Meclîsî Evîn Tayboxa qiseykerdişê akerdişî kerd û vat: "Sere de ma bixêrameyîşê şarê xo kenê. Amancê ma nê kombîyayîş de o yo ke ma bi eşkê kar û xebatê xo yê serrêke bi ewnîyayîşêko hembeş bierjnê. Sewbîna ma bi eşkê xebatê xo yê serre bi kûr de bigîrê dest û bi resê netîceyêko hempar."

	&nbsp;

	Dima ra raporê kar û xebatê serrêke ameyî wendene û ser de munaqeşe ameyî kerdene.

	&nbsp;

	&nbsp;