Keye do cenazeya Medya Sonmez bigîro

2021-02-25 13:00:01


	 

	WAN - Yeno pawitiş ke cenazeya Medya Sonmez ke operasyonê TSKyî yê Bedlîs de şîye rehm û Tuşba de goristanê bêkesan de amebî definkerdene, teslîmê keye aye bêro kerdene. 

	 

	11ê Tebaxa 2020 de hetê dewanê Bedlîsî TSKyî hêrişê hewayî kerdibi û Medya Sonmez (Asmîn Cilo) ya YJA-STARî rehm kerdebî. Cenazeya Medya Goristanê Bêkesan ê Seyrantepeyê Tûşbayî de amebî definkerdiş. Keye seba cenaze bigiro 3 mengî verê Sazgehê Tipê Edlî yê Stenbolî test kerdibi. Netîceyê testî dîyar bi. 

	 

	Keye musa ke netîceyê testî de cenaze ê kênaya înan a, muracatê Serdozgerîya Komare ya Wanî dayî. Yeno pawitiş ke keye ewro cenazeya kênaya xo Dewa Kopê Mûşî de defin bikerê.