Dîmenê Gelîya Botanî merdimî sermest kena 2021-02-25 09:09:03   Rojda Aydin   SÊRT- Gelîya Botanî ke Kerraya Qulî Sêrtî zî gêna mîyanê xo, wexto ke wisar yeno gelîye bi rengê tewir bi tewir vilan xemilnena û bala welatîyê herême ancena serê xo. Na herêma ke bi weşikbîyayîşê xo mewsîmê wisarî de bale ancena û nika ra bîya merkezê seyranî.   Her şaristanêke Kurdistanî bi xoza, name û dîmenê xo dewlemend o û hema cayê ke nêameyê keşfkerdiş zî estê. Şaristanê Sêrtî zî wayîrê tarîxê 12 hezar serran o û hema nêameyo kişfkerdene. Nê cayê tarîxî ra yew zî Gelîye Botanî ke bi weşikîya xo ya xozayî û tarîxê ci bale merdiman anceno. Qilê ke berzbîyayîşê xo nêzdîyê 350 metreyî yo û bi nameyê Kerreya Qul yeno zanayene û mîyanê Gelîya Botanî de ca gêno, bala merdiman anceno. Sewbîna qil hetê welatijê herême û tûrîstan ra zî eleqeyêk pîl vîneno.   Gelîye ke kilamê gelerî rê bîya babete, serra 2019 de seke parqê neteweyî ame îlankerdene û bi hezaran rengê xoza mîyan de hewêneno. Gelî her mewsîmê serre de bi dîmenê xo yê weşik merdiman sermest kena.   Kerreya Qûl ke yew cayê tewr weş gelî ya. Mewsîmê wisar û hamnanî de adresê heskerdişî yê xoza yo. Gelîye seba nêweşîya Kovîd-19 Tirkîya û heme dinya vila bi, serdayîşî ameyî qedexekerdene. Seba ke demêk derg serdayîşê gelî nêameyo kerdene, gelîye zaf bêveng mende. La bi destpêkê wisarî dir reyke zîyaretwenan verê xo dayî gelî. Kesê ke yenê gelî û serdayîşê cayê tarîxî kenê tedbîrê xo yê hemverê şubeyî zî gênê.   Şaristano ke nameyê xo hîkayeya eşqî ra girewto   Hîn çimeyan de yeno vatiş ke seba şaristan serê hîrê qilan de awan bîyo, bi nameyê “Sêrt” yeno binamekerdene. Sewbîna hîn çimeyan de zî yeno manaya hîrê cayan û hîn çimeyan de zî vanê ke şaristanê nameyê xo hîkayeyêke eşqî girewto... Goreyê hîkaye Kênayêke bedewe eşqê şiwanêk bîya û dimayê bi wextêk kêneke bi yewê ke nêwazena dir yena zewicnayîş. La kêneke şiwan wazena. Veyve yena kerdene û berbûrî yenê ke kêneke berê zozanêke bîn, la nişke vera vengê bilûrêke ke zerrîya merdimî zîz kena yena û no vengê bilûre şiwanî yo. Seba nê vengî tofan wirzeno, berbûyî her yew hetik ra şinê û kêneke qezaya sereyê xo hetik ra şinê û kêneke zî qezaya sereyê xo wedarnena, estorî ra peya bena û ver bi vengê bilûre de şina. Kêneke kena qêrîn û vana; Segîrt... Bêre mi bibe... Heta nika zî o cayo ke berbûyî vila bîyê çadirî yenê akerdene û nameyê ca rê zî "Sêgirt" yeno vatene. No name bi demî dir beno, Sêrt.