Seba paştdayîşê grevê vêşanîye çalakîya roniştişî ameye kerdene 

2021-02-24 15:17:52


	 

	 

	AMED - Polîsan eşkarîya DÎKî asteng kerd û hemverê  astengî, girse Parkê Koşûyolû yê Rêzanê Amedî de dest bi çalakîya roniştişî kerd. Çalakî bi sloganê "Biciwîyê xoverdayîşê zindanan" peynî bi.

	 

	Grevê vêşanîye yê tepişteyan ê vera tecrîdkerdişê Rayberê PKKyî Abdullah Ocalanî 3 mengî peyê xo de verdayî.

	 

	Seba ke bale bêra antene çalakîya grevê vêşanîye ser her hewte Parka Koşuyolî ya qezaya Rezanî ya Amedî de eşkerayîye yena dayene. Çalakîye na hewte zî rayberîya Kongreya Îslamî ya Demokratîke (DÎK) de do biameyêne  kerdene. Endamanê HDP, DBP û Têgêrayîşê Cinîyan ê Azadan (TJA) zî paştî daye çalakîye. Wekîla HDPyî ya Amedî Remzîye Tosun tewra çalakîye bîye. Eşkerayîye ra verî polîsanê tirkan pê wesayîtanê zirxînan û TOMAyan dormeyê Parka Koşuyoluyî girewt.

	 

	Kesê ke seba eşkerayîye ameyî parke mîyanê ablûqaya polîsan de mendî. Astengkerdişî ra dima girseyê şarî pê di koman war de dest pê çalakîya roniştişî ya nêm saete kerd.

	 

	Çalakîye ra dima girse vila bi.