Sebebê Kod-29î xoverdayîş dewam keno 2021-02-23 09:13:02   ÎZMÎR - Hetê Şaredarîya Şaristanê Girdî ya Îzmîrî ra bi bahaneyê KOD-29î, 16 karkerî ameybî vetene. Nînan ra yew zî karkere Tîjda Kiliç diyar kerd ke heta ê peyser nêagêrê kar do xoverdayîşê xo dewam bikerê."   16 karkerê ÎZENERJÎ A.Ş û ÎZELMAN A.Ş ke şaredarîya Şaristanê Girdî ya Îzmîrî de xebityenê, bi bahaneyê Walîtîya Îzmîrî derheqê înan de cipersayîşê asayîşî dayo destpêkerdene, 20ê teşrîna verêne de kar ra ameybî eştiş. Bi sebebê KOD 29 yanî ‘nêzdîbîyayîşê vera nîyetê baş û ehlaq’ de karê 16 karkeran ame feskerdene û karkerî endamê Sendîka Genel-Îş DÎSKyî bî. 16 karkerî verê awanîya şaredarî de dest bi xoverdayîşî kerdibî. Xoverdayoxan ra Tîjda Kiliç dîyar kerd ke KOD 29 bi taybetî cinîyan hedef girewtê û dîyar kerd ke heta peyser anêgêrê serê karê xo do xoverdayîşê înan dewam bikero.   'Ma seke her wext xebityenê'   Tîjda Kiliç dîyar kerd ke Mudûrîyetê Şubeyê Hetkarîya Komelî ya Şaredarîya Şaristanî ya Îzmîr de xebityayîne û 20 teşrîna verêne de bi telefonêke veng dayê ci û vat: “Kodê 29î ramojnayî û ma kar ra eştî. Bi amanckerdişê hedefkerdişê nêzdîbîyayîşê hemverê karsazî ma kar ra eştî. Bi bahaneyê ma goreyê metodê ehlaqî tênêgeyrenê ma kar ra eştî."   'Ma kod 29î seke tecrîd bi name kenê'   Tîjda dewam de dîyar kerd karkerê ke kar ra ameyê eştene bi pêroyî serrêke bi şaredarî de xebityayîne û sebebêko verçimî yê kar ra bêrê eştiş çinî bîyo û vat: "Ma prosesê pandemîyî de yê. Yewin rayîrê karê vetişî kodê 29î yo. Bi no hawa ma vetî. Ez zî ci de tu embazêk nêame îqazkerdiş, ne bi vatiş û ne zî bi nuştiş. Ma kod 29î seke tecrîd biname kenê."   Seba partîyê sîyasî û hêzê demokratîk vengdayîş   Tîjda dîyar kerd ke heta anêgêrê serê karê xo do xoverdayîşê xo dewam bikerê û vat nika zî mabêne 11.00 û 14.00 de çalakîya xo dewam kenê û vat, prosesê ameyox de zî do goreyê averşîyayîşan têbigeyrê. Tîjda veng da pêro partîyê sîyasî, hêzê demokratîk ke ewro ameyê vetene la no problem pêro cinîyê dinya yo û vat, do vera nê xoverdayîşê xo dewam bikerê.