'Wa waştişê tepişteyan bi ca bîyarê'

2021-02-22 14:30:31


	 

	COLEMÊRG - Hemsereka Çelê ya HDPyî Lahîce Yaşli derheqê grevê vêşanîye ke tepişteyan dayo destpêkerdene de qisey kerd û dîyar kerd ke eke tecrîd nêwirzo, do merdiş bibo û wina vat: "Amancê embazanê tepişteyan, tena aştîyêke mende ya."

	 

	Bi amancê tecrîdo giran yê serê  Rayberê PKKyî Abdullah Ocalanî bêro wedaritene 27ê teşrîna peyêne de tepişteyê sîyasî kewtî grevê vêşanîye û grev roja 88ine de dewam keno. Hemsereka HDPyî ya Çelê Lahîce Yaşli tecrîd ercna.

	 

	'Grev dewam bikero do merdiş zî bibo' 

	 

	Lahîce dîyar kerd ke tecrîd bi serran o dewam keno û Rayberê PKKyî Abdullah Ocalan bi serran o binê tecrîdî de yo û vat: "Waştişê tepişteyan o yo ke tecrîd wirzo û aştî û hizûr bêro welat. Şertê zîndanan baş nîyo. Pandemî de embazî kewtî grev. Bedenê înan bê vîtamîn maneno. Grev dewam bikero do merg zî bibo. Waştişê embazan, aştîyêke mende ya."

	 

	'Ganî her kes bi hîsgêr têbigeyro'

	 

	Lahîce bale ant serê grevê vêşanîye ke Leyla Guven 2018 de dabî destpêkerdene û wina vat: "O xoverdayîş de 8 embazanê ma dinyaya xo bedilnayî. Waştişê ma o yo ke tecrîd wirzo. Wa waştişê tepişteyan bi ca bîyarê. No waştişê pêro şaran o. Ganî her kes bi hîsgêr têbigeyro."

	 

	'Wa dayîkî dej nêancê'

	 

	Lahîce tewr peyîn wina vat: "HEma ke grev nêaçaryayo roceyê mergî wa her kes destê xo bikero binê kerra. Ganî dewlete zî veng bido vengê tepişteyan. Wa dewlete bizano ke muzakere bêrê kerdiş do êdî mergî nêrivirazyê. Waştişê ma o yo ke mergî nêvirazyê."