'Seba ke pere çinbi nêameya dermankerdene'

2021-02-22 14:27:33


	 

	Gulîstan Azak

	 

	AMED - Nêweş û merdimê nêweşan dîyar kerdî ke Nêweşxaneyê Fakulteyê Tipê yê Unîversîteya Dîcle seba dermankerdişê bi pere yeno kerdene, vera ke bêrê dermankerdiş agêrenê.

	 

	Demê peyîn de nêweşxaneyê Unîversîteya Dîcleyî, pêwa ke statuyê îstîmlakkerdişî de ya, nêweşxaneyê taybet ra cîya nîya. Nêweşxaneyo ke ganî bê pere xizmet bido, bi vayîya zêde xizmet dano.

	 

	Nêweş û merdimê nêweşan reaksîyon ramojnayî û dîyar kerdî ke xizmetê weşîye zaf qels ê.

	 

	'Seba k epere çinbi nêameya dermankerdene'

	 

	Zulfiye Yeşîla ke qezaya Erganî ra seba kîstê mezgî ameye Nêweşxaneyê Fakulteya Tipê Unîversîteya Dîcleyî dîyar kerdî ke seba dermankerdişî 130 TL waştê û vat: "Seba pere çinbi ez agêraya. No sey nêweşxaneyê dewlete yeno vînayene la wina nîyo. Ez Erxenî ra ameya, la bêdermanbîyayîş ez agêrena. Seba ke pere çinbi, înan derman nêkerd. Ez nêeşkena şêrî ê taybetan zî."

	 

	'3 mengî yo bendeyê randevu ya' 

	 

	Zehranur Yeşîla ke seba dermankerdişê çimî şîya nêweşxane wina vat: "Randevuyan taloqê tarîxêke erey kenê. 3 mengî yo bendeyê dayîşê randevu ya. Ez ameya. La kes nêbi hetkar. Bi mengan o mi ben û anê. Nêweşxane lêşin o. Seba nê ma probleman ciwîyenê. Boye ci ra yena. Merdim saxlem yeno, nêweş vejêno."

	 

	Elvan Akgun zî reaksîyon vera dermankerdişê bi pere da û wina vat: "Pêwa pandemî zam yenê kerdene. Ma seba dermankerdişî zî pere danê. Seba emelîyatî zî cîya wazenê.