
Dewaya tezmînatî bi îdiayê 'rêxistine rê werd amade kerda' ameye redkerdene

2021-02-20 09:08:02


	&nbsp;

	Şehrîban Aslan

	&nbsp;

	AMED - Fatma Ateş û pîyê aye Fahrettîn Ateş ke dewaya Sûrî ameyîne muhakamekerdene, bi sebebê 'hetkarî dayê rêxistine' bi pêroyî rastê 6 serrî 9 mengî û 15 rojî cezaya zîndanî ameyî. Dayîke Fatma Ateş zî wextê ke Sûr ra vejîyayîne, amebî qetilkerdene û dewaya tazmînatî ke seba aye amebî akerdene zî bi îdiayê ‘endamê rêxistine rê werd amade kerda' ameye redkerdene.

	&nbsp;

	Qezaya Sûrî ya Amedî de wextê qedexeyê tebervejîyayîşê kuçeyan de xeylê xo ci ra tutî, derheqê 40 kesî de dewa amebî akerdene û Gulanê 2017 ra heta nika dewa 5ine Dadgeha Cezaya Giran de yena vînayene. Kesê ke dimayê pêrodayîş peynî bi Sûr ra vejîyayî û ameyî tepiştene, derheqê înan de bi sebebê, ‘yewîya dewlete xira kenê', ‘Endamîya rêxistine’ îdianame ame amadekerdene.

	&nbsp;

	Dadgehe cîya cîya ceza birna

	&nbsp;

	Dosyayê heme kesê ke dem bi dem korîdoran ra ame vetene kerdî yew û 5ine Dadgeha Cezaya Giran de ameyî muhakemekerdene. Fatma Ateş û pî Fahrettîn Ateş ke dewaya Sûrî de ameyîne muhakemekerdene de bi îdiayê ‘hetkarîya rêxistine’ cezayê cîya cîya ameyî birnayene. Fatma rê 3 serrî û 9 mengî û Fahretîn rê zî 3 serrî û 15 rojî ceza ameye birnayene.

	&nbsp;

	‘Qet nêame perskerdiş ke çira Sûr de mendê'

	&nbsp;

	Avûkate Habîbe Danişman cezaya muvekîlê ci rê ameye birnayene erjna û vat, muvekîlê aye hetê dadgeha sivîl ra nêameya vînayene û dadgehe qet nêpersayo ke çira Sûr de mendê, çira nêameyê vetiş û cigêrayîş. Habîbe dîyar kerd ke cewabê nê persan ancax îstînaf û dadgerî de bêro munaqeşekerdene.

	&nbsp;

	‘Waştî însanan ceza bikerê'

	&nbsp;

	Habîbe dîyar kerd ke destpêkê prosesê Sûrî de xeylêk kesî Sûr de asê mendê û muracatê heme cayê fermî kerdê û wina vat: "O wext cinîyêke bi tutanê xo dir asê mendebî û seba welidnayîşî nêeşkayîne vejîyo teber. Dadgehe prosesê muhakemekerdişê 5 serran de nêvat ke no çîyêko sivîl o. Dadgehe her wext vatêne, e, ‘hetkarîya rêxistine.’ Tîya de bi pêroyî waştî însanan ceza bikerê."

	&nbsp;

	‘Delîlêk zelal çin o'

	&nbsp;

	Habîbe dîyar kerd ke dewaya Fatma Ateş ke wexto ke Sûr ra vejîyayîne, ameye qetilkerdene û hetê dadgehe ra qerarê red ameyo dayene. Habîbe nê çî va: "Derheqê dayîke Fatma Ateş de qerarêk bixof ame dayene. Ame îdiakerdiş ke Fatma Ateş werd amade kerdo û paştdayîş daya rêxistine. La derheqê sucê hetkarîyê rêxistine de zî tu delîl çin ê."

	&nbsp;

	&nbsp;

	&nbsp;