
Eşkerayîya 'seba cinîyan edalet' ameye astengkerdene 

2021-02-19 15:35:15


	&nbsp;

	&nbsp;

	&nbsp;

	STENBOL - Eşkerayîya Endamê Meclîsê Cinîyan ê HDPyî ya bi amancê waştişê seba cinîyan edalet, ame waştene ke verê Edlîyeya Çaglayanî de bêro dayene, hetê polîsan ra ameye astengkerdene.

	&nbsp;

	Endamê Meclîsê Cinîyan yê HDPyî bi amancê ke binpaykerdişê heqan yê zîndanan bêrê peynîkerdene, bi sloganê “Seba Cinîyê Tepişteyan Edalet" waştî ke verê Edlîya Çaglayanê Stenbolî de eşkerayî bidê çapemenî. Parlamenterê HDPyî yê Stenbolî Huda Kaya, Zuleyha Gulum û Oya Ersoy zî mîyan de xeylêk cinî verê edlîye de kom bî. Labelê polîsan cinîyan kerdî binê ablûqa û bi sebebê qerarê qedexeyê Qeymeqamîyê Çaglayanî girewto, destûr nêdayî eşkerayî.

	&nbsp;

	Cinîyan reaksîyon vera helwestê polîsan dayî û dîyar kerdî ke ê bi amancê waştişê edaletî ameyê verê edlîya. La polîsan bi zor waştî ke cinîyan edliye ra dûr bifînê.

	&nbsp;

	Parlamenter Zuleyha Gulum reaksîyon mudaxaleyê polîsan ramojna û vat: “Ma bi amancê edalet seba cinîyan rê biwazê kom bî. Çîyo ke ewro ma ci dir rî bi rî mendî, nîşaneyê dişminîyê vera cinîyan o."

	&nbsp;

	Polîsan, cinîyan verê edlîye ra dûr fîna. Labelê parlamenterî verê edlîya de hema zî vindenê.

	&nbsp;