
Nuraya ke wendiş û nuştişê aye çinbi jîneolojî kerd rehberê cuya xo 

2021-02-17 09:13:58


	&nbsp;

	&nbsp;

	AMED - Nuraya ke wendiş û nuştişê aye çinbi, Kovarê Jîneolojîyê qet kîşte xo ra nêdana ro û xo rê kerd rehberê cuye. Nura seke eşq, heskerdiş û azadî de seba cinîyê ciwanan serê 'peymitişê qebulkerdiş û redî' pêşnîyaz kerd.

	&nbsp;

	Jîneolojî rayîrwanîyê heqîqetî yê cinîyan de beno roşn. Jîneolojî ke sey, ‘zanistîyê hemcuye’ yena nasnayîş, 2016 de Kovara Jîneolojî dest bi weşan kerd. 2017 de Rojawanê Merkezê Cigêrayîşî yê Jîneolojî û Fakulteya Jîneolojî, 2018 de zî Belçîkayî Merkezê Jîneolojî, nê dir xeylêk wareyan de hetê bi hezaran cinîyan de ame munaqeşekerdiş.

	&nbsp;

	Cuya xo verê Jîneolojî û dimayê jîneolojî yewbînan cîya kena

	&nbsp;

	Nura Abay ke 75 serrî ya Jîneolojî xo rê kerd rehber, bawrîya aye ya bi zanistî merdiman heyran verdena. Nura pêwa ke wendiş û nuştişê aye çin o zî, her wext Kovara Jîneolojî serê xo de geyrnena. Nura, Jîneolojî torn û tutanê xo ra goşdarî kena. Nura ke cuya aye bi zor û zehmetî derbaz bîya, cuya xo verê Jîneolojî û dimayê Jîneolojî yewbînan cîya kena.

	&nbsp;

	Waştişê aye ya tewr pîl wendişê Jîneolojî yo

	&nbsp;

	Nura 15 serrî de yena zewicnayîş û bi serran rastê şîdetê camêrdî yena. Nura qerarê destveradayîşî dana û rastameyîşê xo yê Jîneolojî zî seke rayîrê heqîqetî vînena. Yewin waştişê aye o yo ke Jîneolojî xo bixo biwana û ser de kûr biba.

	&nbsp;

	'Cinî heta azad nêbo eşq zî nêbena'

	&nbsp;

	Nura, dîyar kerd ke cigêrayîşê heqîqetî de merdimî eşkenê xo biresnê eşq û wina vat: "Eke eşqo rast biameyîne ciwîyayîş, do roje de hîrê cinî nêameyîne qetilkerdene. Heta cinî azad nêbê eşq zî nêbenê. Eşqo rast ancax bi zanist û fikr beno. Seba nê zî seba cinî xo biresnê, eşqo rast ganî xo aver berê, Jîneolojî biwanê û bidê wendiş."

	&nbsp;

	‘Ez seba pêro cinîyan jîneolojî pêşnîyaz kena'

	&nbsp;

	Nura tewr peyîn qiseykerdişê xo de wina vat: "Wendiş û nuştişê mi çin o. Ez goreyê xo ra nêeşkena biwana. Ez kovare kena çenteyê xo û bena keye. Reyan tut û tornê mi, reyan cîranê mi, mi rê wanenê. Ez wexto ke goşdarî kena kêfweş bena. Sewbîna dîyarîyê derûdorê xo rê kena ke biwanê. Ez jîneolojî pêşnayîzê pêro cinîyan kena."

	&nbsp;