'Hemverê komployê mîyanneteweyî lazimî bi yewbîyayîşê neteweyî esto'  

2021-02-16 09:26:26


	 

	 

	
		HESEKÊ - Hemverê hêrişê dewleta tirkî û komployê mîyanneteweyî cinîyê qezaya Til Temirî nêrazîbîyayîşê xo ramojnayî û vatî hemverê hêriş û komployê mîyanneteweyî, yewbîyayîşê neteweyî lazim o.
	
		 


	Cinîyê qezaya Til Temirî ya Kantonê Hesekî derheqê hêrişê serê Garê û komployê mîyanneteweyî yê serê Rayberê PKKyî Abdullah Ocalanî de qisey kerd.

	 

	'Ganî ma pîya hemverê îşxalkerdişî vejîyê'

	 

	Emîne Diloya ke seba hêrişê dewleta tirkî yê serê herêma Efrînî de mecbûrî koçber bîya, derheqê hêrişê serê Garê de wina qisey kerde: "Amancê hêrişê ke serê Garê û serê temamê cayê Kurdistanî yeno kerdene, seba qirkerdişê şarê Kurdî yo. Dişmin serê ma de bîyo yew, la ma kurdî heta nika zereyê xo de parçe parçe yê. Eke ewro hêrişê Garê kenê, nêzdî de do Başûrê Kurdistanî zî pêro îşxal bikerê. Lazim bi ke ma sey kurdî, hemverê îşxalkerdişê Efrîn, Serêkaniyê û Girê Spî bi yewîye hemverê dişminê helwestê xo bigirewtêne û yewîye xo awan bikerdêne. Çira Hukmatê Herêma Başûrê Kurdistanî verdeno ke dewleta tirkî baragehê xo Başûr de virazno?"

	 

	'Hemverê komployê mîyanneteweyî, lazimî bi yewbîyayîşê neteweyî esto'

	 

	Çinar Salih zî bale ant serê komployê ke 15ê Sibate serê Rayberê PKKyî Abdullah Ocalanî û wina vat: "Tu hêrişêk tesaduf nîyo. Hêrişê ke bi 10 serrî yo Vakur û Rojhelatê Sûrîye yenê kerdene, hêrişê serê herêmê pawitişê medyayî, Şengal û Başûrê Kurdistanî dewamê komployê 15ê Sibata 1999yî yo. Lazim o ke hemverê hêrişê ke serê Garê de yenê kerdene, hukmatê Herêma Başûrî destê xo ci ra bianco û îşxalkerdiş vindarno. Tarîx nê hêrişan xo vîr ra nêkeno. Seba ke destkewtişê şarê Kurdî Rojawanê Kurdistanî û Başûrê Kurdistanî, bêrê pawitiş, lazimî bi yewbîyayîşêkê neteweyî esto. Ma wazenê ke hemverê hêrişê qirkerdişî pêşmerge zî kîşte Hêzê Pawitişê şarî de şer bikerê û xover bidê. Waştişê ma dayîkê şehîdan û gerîlayan, o yo ke yewbîyayîşêko neteweyeyî virazyo û bieşkê destkewtişê şehîdan bipawê."