Şengal de vera komployî rayrayîşê bi meşale ame organîzekerdene

2021-02-15 14:52:20


	 

	ŞENGAL - Yewîya Ciwanê Êzidî seba şermezarkerdişê komployê mîyanneteweyî yê serê Rayberê PKKyî Abdullah Ocalan rayrayîşêko meşaleyî organîze kerdî.

	
		 


	Yewîya Ciwanê Êzidî semedê şermezarkerdişê serrgera komployê mîyanneteweyî rayrayîşêko meşalêyî dewa Xanesorî ya giredayê Şengalî de kerdî. Ciwanan bi sloganê, "15 Sibate meke xo vîr ra mede xovîrrakerdiş" rayrayîşê xo dewam kerdî.

	 

	'Çi destê ma ra bêro seba Rayberê xo ma do bikerê'

	 

	Ciwanê ke tewrê rayrayîşî bî komployê mîyanneteweyî yê serê Abdullah Ocalanî şermezar kerdî û yew ciwanê ke tewrê rayrayîş bibi Suad Silêman fikrê xo wina ard ziwan: "Rayrayîşê ma hemverê komployê 15ê Sibate yo. Seba ma roja 15ê Sibate rojêke sîya yo. Ma bi fikir û fehmê Rayber Apo ameyî nê rojan. Êdî komplo keweno serra xo ya 23ine. Her ke şino tecrîdê serê Rayber giran beno. Seke ciwanê Şengalî çi ma ra bêro waştiş û destê ma ra bêro ma do seba Raybere xo bikerê."

	 

	'Bi 23 serrî yo Rayber xo ver dano'  

	 

	Ciwana bi nameyê Nesrîne Xedir  zî wina vat: "No beno 23 serrî yo ke Rayber zîndan de yo. Bi 23 serrî Rayber xo ver dano. Ma zî sey ciwanê Êzidî heta peynî xo ver danê. No rayrayîşê ma seba şermezarkerdişê tecrîd û komployê serê Rayberî yo. Seba Rayberî û azadîya Rayberî çi ma ra bêro waştiş ma do bikerê. Vengdayîşê mi seba şar û ciwanê Êzidîyan o yo wirzê serê lingan û tecrîdê serê Rayberî qebûl nêkenê."