'Komplo faşîzmê hemverê demokrasî fîneno verê çiman' 

2021-02-12 09:29:12


	 

	Sara Şêx Hesen

	 

	HELEB - Cinîyê Taxa Şêx Meqsûdî yê şaristanê Helebî hemverê komployê mîyanneteweyî yê serê Rayberê PKKyî Abdullah Ocalanî de meyo kerdene, reaksîyonê xo ramojnayî û wina vatî: "Ma komployê mîyanneteweyî sey îxanetêke serê Rayber Apo bi name kenê. Rayber Apo do azad bibo û ma do şayîya serkewtişî derûdorê rayberê xo bigîrê."

	 

	Tarîxê 15ê Sibata 1999 de Rayberê PKKyî Abdullah Ocalan bi komployêko mîyanneteweyî esîr ame girewtene û teslîmê dewleta tirkî ame kerdene. 22 serrî yo serê esîrgirewtişê Rêberê PKKyî Abdullah Ocalan derbaz bi. Girawa Îmrali de tecrîd û tedayêk pîl serê Abdullah Ocalanî de yeno kerdene. No demêko derg o ti xeber ci ra nîna girewtene, ne avûkatî û ne zî keyeyî nêeşkenê ci dir pêvînayîş bikerê. Derheqê babete de cinîyê Taxa Şêx Meqsûdî yê şaristanê Helebî ercnayîş kerdî.

	 

	'Komplo faşîzmê vera demokrasî fîneno verê çiman'

	 

	Cinîya bi nameyê Yesmîn Idlibî ya pêameyîşê ereb a, derheqê komplo de wina vat: "Tarîxê 15ê Sibate de dewletê mîyanneteweyî destê xo kerdî yew û serê Rayber Apo de komplo dayî destpêkerdiş. Rayber Apo wayîrê felsefeyêk rast û dirustî yo û seba pêro şaran nika Girawa Îmralî de têkoşînêk keno. Ma çiqas kede biidê zî ma nêeşkenê heqê Rayber Apo bidê. Ma deyindarê felsefeyê azad ê. Rayber Apo wayîrê heqê pêro şaran vejîya û îqtîdar qebul nêkerd. Komplo û tecrîdê serê Rayber Apo faşîzmê hemverê demokrasî fîneno verê çiman."

	 

	'Ma do şayîya serkewtişî dorê rayberê xo bigîrê'

	 

	Dîlber Ehmo wina vat: "Ma komployê mîyanneteweyî sey îxaneteko serê Rayber Apo bi name kenê. Ma do vera nê komplo her wext têkoşîn bikerê. Seba ma rayîrê fikrê azad de bîyayîş û nasnameyê xo sey cinî girewt. Ma bi rêxistin bîyayîşê xo bawer ê. Ma do rayîrê ey de serkewtişê pîlan bi dest bikerê. Rayber Apo do azad bibo û ma do şayîya serkewtişî derûdorê rayberê xo de bigîrê."

	 

	'Seba azadîya Rayber Apo ma do her wext mîyanê xebate de bê'

	 

	Feyrûz Heyder zî reaksîyonê xo ramojna û vat: "Tarîx ra dewletê serwer wazenê ke kurdan çin bikerê. Seba berjewendîyê xo bi ca bîyarê, komplo sewîyeyêka mîyannetewî de serê Rayber Apo kerdî. Merdimêko sey Rayber Apo cayê ey zîndan nîyo. Seba azadîya Rayber Apo ma do her wext mîyanê xebatan de bê."