
Kiymete ra vengdayîş: Hemverê nê bêrûmetî bê   

2021-02-11 09:25:16


	&nbsp;

	COLEMÊRG - Dayîka Aştîye Kiymet Dogma ke di lajê aye têkoşînê azadîye de dinyaya xo bedilnayî, polîsî ci geyrayî û pêşnîyaz kerdî ke şêro verê HDPyê Amedî. Kiymete reaksîyon ramojna û hemverê nê bêrûmetî vengdayîşê têkoşînî kerd.

	&nbsp;

	Endama Meclîsê Aştîye Kiymet Dogma ke Geverê Colemêrgî de ciwîyena, di lajê aye têkoşînê azadî de dinyaya xo bedilnayî. Lajê aye Metîn Dêrikê Rojawanî de 2014 de dinyaya xo bedilna û Jêhat zî 2016 de Colemêrg de dinyaya xo bedilna. Dayîka Kiymete bi serran o têkoşînê aştî dana. AKP MHP zî demê peyîn de goreyê îdiayan pere û kar pêşnîyazê keyeyê ke tutê înan tewrê PKK bîyê û ameyê tepiştiş, kenê. La bi hezaran keyeyî reaksîyon nîşanê nê danê. Înan ra yew zî Kiymet a. Kiymete dîyar kerd ke înan lajê aye kişto, PKK ney.

	&nbsp;

	'To tutanê mi kişt'

	&nbsp;

	Kiymete ke vat her wext teda serê lajê aye de bîyo û vat: "Dadgehe ra veng danê mi. Şima lajê mi kişt. Ez o çîyê ey bîyarî. Şima îşkence lajê mi rê kerd. Lajê mi verê şima ra şi ko. Wa destê xo bidê serê wijdanê xo. Cilê lajê mi tîya yê. Rêçe guleyan ser de yê. Nê guleyî; guleyê polîs, leşker û hîzbullahî yê. Jêhatê mi hema qij bi. Erdogan her roje vano ke ez tutan nêkişena. La biewne ti kişenê. Ça de yo, lajê mi tîya yo."

	&nbsp;

	'Wa sere nêtewênê'

	&nbsp;

	Kiymete tewr peyîn qiseykerdişê xo de veng da pêro dayîkan û vat: "Ez veng dana heme dayîkan. Wa nêrê kayê îqtîdarî. 10 hezar TLyê hukmatî derdê şima rê nêbeno derman. Wa dayîkî wirzê serê lingan. Hesabê gonîya tutanê xo bipersê. Wa dayîkê kurdî wirzê serê lingan. Ma sere nêtewênenê."

	&nbsp;

	&nbsp;