'Bi kodê 29ine wazenê ke karkeran bi nanê înan terbîye bikerê'

2021-02-08 09:39:35


	 

	AMED - Hemsereka Şubeyê Genel-Îşî yê Amedî Hanîfe Kardaş, derheqê madeyê Kodî yê 29ine ke sebeb yeno ramojnayene û karkerî kar ra yenê vetene ser o qisey kerd û vat: "Sebebêk nê madeyî esto; wazenê ke karkeran bi nanê înan terbîye bikerê."

	 

	Bendê diyîn yê 25ine Madeyê Qanûnê Karî de, îfadeyê 'nêzdîbîyayîşê vera metodê nîyetê baş ehlaqî yê karkeran’ ca gêno û nê seke sebeb ramojnayî û sey feshkerdişê heqê karkeran ê karê înan ra derbaz beno. Sazgehê Asayîşê Komelî (SGK) zî bi madeyê seke kodê 29 yeno zanayene zî vernê de pereyê betalî û tezmînatê xeylêk karkeran gêno.

	 

	Tirkîya de dimayê vîrusê covîd-19 vila bi dima kareştiş amebi qedexekerdene. Seba nê karsazî seba ke karkeran kar ra bierzê muracatê rayîrê bînan dayî. Prosesê peyîn de zî madeyê ‘Kod 29’ sebeb ame ramojnayîş û karkeran kar ra erzenê.

	 

	Hemsereka Şubeyê Hûmara 2 yê Genel –Îşî yê Amedî Hanîfe Kardaş derheqê babete de qisey kerd û vat, kod 29 sebebêk o.

	 

	‘Karkerî nêeşkenê agêrê karê xo'

	 

	Hanîfe bale ant serê madeyê Kod 29î û vat, made sucê giranan hewêneno û karkerî wina kar ra yenê eştiş û wina vat: "Ma nê sebebî qebul nêkenê. Heto bîn ra zî karkerî do seba nê madeyî nêeşkê dewaya tezmînatê kidemî û tezmîtanê îxbarî abikerê û do nêeşkê agêrê karê xo. Seba nê zî karsazî bi nê made, karkeran kar ra erzenê."

	 

	'Şima nêeşkenê karkeran mehkumê vêşanîye bikerê'

	 

	Hanîfe wina vat: "Yewin sebebê nê estê. Wazenê karkeran bi nanê înan terbîye bikerê. Çi heyf, karkerî pêro heqanê xo ra bêpar yenê verdayîş û nêeşkenê bibê wayîrê heqî. Seba ke karsazî çîyêk nêdê karkeran bi nê made erzenê. No polîtîka vera memuran zî bi ca yeno. Xeylêk karkerî nêzanê ke kodê 29 zî çi yo. Bi metodê wina nêeşkenê karkeran mehkum bikerê. Ma nê qebul nêkenê û vera nêyê."

	 

	'Wa kodê 29 nêkerê sebeb'

	 

	Hanîfe tewr peyîn qiseykerdişê xo de vat ke prosesê vîrusî de xeylêk karkerî kar ra ameyî eştene û vat do sey sendîka kîşte karkeran de bê û têkoşîn bikerê. Wina veng da: "Ma do her wext kîşte karkeran de bê. Kes nêeşkeno vernîya ma bigîro. Wa sebebê kod 29î karkeran kar ra nêvejê."