Vera caardişê zîndanan reaksîyon: Rejîmê cunta bi ca anê 

2021-02-05 09:30:40


	 

	 

	ÎZMÎR - Merdima tepiştî Hanîfe Gumuş dîyar kerd ke seba lajê aye tepişteyî 6 hezar deynê bacî ameyo vetiş û rewşe şermezar kerd û vat: "Wa ne tutanê ma bikişê û ne zî wey bikerê. Ma tutanê xo wazenê."

	 

	Seba tepişteyo bi nameyê Mehmet Gumuşo ke 23 serrî yo tepişte yo û nika zîndanê Bandirma de yo, seba şîyayeyê sereyîn yê seke awe, werd, kanalîzasyonî 6 hezar TL deynê bacî ame waştiş. Dayîka ey Hanîfe Gumuş ke nê deynî serê e-devlete de dî, dîyar kerd ke no nêzdîbîyayîş dişminî yo û wina vat: "Kenan Evren vatibi, 'ma nêdaliqnê, ma do wey bikerê.' Ê (Cuntawanê 12ê êlule' tutanê ma qetilkerdî. No dem zî eynî dem o. Cîyabîyayîş çin o. Wa tutanê ma ne bikişê û ne zî wey bikerê. Ma tutanê xo wazzenê."

	 

	'Şertê zîndanî zaf xirab ê'

	 

	Hanîfe seba grevê vêşanîye wina vat: "Şert û mercê tepişteyan zaf xirab ê. Kalorîferî nînê tafistiş, batanîyeyê ke m aşirawenê, peyser yenê. Pêro nêweş ê. Nika vîrus esto. Do nê nêweşî grev de hîna zaf înan bido zor. Tutê ma seba ke ma xemgîn nêbê, nêvanê nêweş zî kewtê. Nê xoverdayoxan nê serdî de binê zulmî de verdenê. Heqeretan kenê. Wa dewleta Tirkî ganî game bierzo. Wa waştişê înan goşdarî bikero. Kitab û kovaran nêdanê. Ez veng dana wezaretê dade  û dewlete. Wa cenazeyî zîndanan ra nêrê. Ma tutê xo erd de nêdîyê. Ma înan şertê giran de pîl kerd."

	 

	'Kenan Evren ra cîya nîyê'

	 

	Hanîfe dîyar kerd ke awe, kanalîzasyon kerdê sebeb û lajê mi rê 6 hezar TL bac nuştê û vat: "Şima çira wey kenê? O wext înan vera bidê. Pere zî mewazê. Ma pêro dayîkan ra paştdayîş pawenê.  Wa pêro tepişteyê sîyasî zindanan ra vejîyê. Tu cîyayîyê înan Kenan Evren ra çin o. Tedayê zîndanan resayê sewîyeya îşkence. Şima Sakîne Cansiz qetil kerd, şima tutanê ma zîndanan de îşkence kerd. Şima Mazlum Dogan zîndan de qetil kerd. Tu heqê şima çin o. Destanê xo serê tutanê ma ra biancê. Lajê mi 23 serrî yo tepişte yo, 9 mengîyo ma nêeşkenê zanayîş ci ra bigîrê."