
Xebatkarê DEDAŞî hêrişê roniştixê taxe kerdî: Cinîyêke bi giranî birîndar bî

2021-02-04 14:37:12


	&nbsp;

	MÊRDÎN - Taxa Devrîm ya girêdayê qezaya Nisêbînî de xebatkarê DEDAŞî hêrişê roniştoxê taxe kerdî û cinîya bi nameyê Sultan Çîçek (59) bi giranî birîndar bî. Welatije ke fotograf û dîmen antî zî hetê polîsan ra ameyî astengkerdene.

	&nbsp;

	Komeleya Elektirîkî ya Dîcleyî (DEDAŞ) demêk derg o qezaya Mêrdînî xebatê elektirkî kenê. Demhûmartişê elektirîkî benê serê dîrekan û seba şaşîyê kerdê ceyranê keyeyan gênê. Taxa Devrîm ya Nisêbînê Mêrdînî zî bi rojane na xebate yena kerdene û seba şaşîyê kerdê Suleyman Çîçek bi ceyran kewt û wedaritişê nêweşxaneyî. Serrêna hedîse keyeyî nêrazîbîyayîşî xo ramojna. Xebatkarê DEDAŞî zî hêrişî keye kerd. Cinîyê ke kewtî mabêne, şîdetî reyde rî bi rî mendî.&nbsp;

	&nbsp;

	Sultan Çîçek ke waşt şer vindarno, bi hêrişê xebatkarê DEDAŞî dir rî bi rî mende û bi giranî birîndar bî. Sultana ke sereyê xo ra darbe girewt, wedaritî Nêweşxaneyê Dewlete ya Nisêbînî. Sultana ke beşê lezgînî de tedawîya aye dewam kena, rewşa aye weşîye tehluke de ya.

	&nbsp;

	Sewbîna demê hêrişê DEDAŞî de welatijan waşt ke dîmen û fotograf biancê zî hetê polîsan ra ameyî astengkerdene û dîmen û fotografê ke ameyî antiş zî ameyî pakkerdiş.

	&nbsp;

	Keyeyî dîyar kerd ke polîsan înan rê vato hêrişkar ameyo destbendkerdene.

	&nbsp;