
Dewaya îstîsmarî ya Pasûrî ra bi serran o qerarêk nêvejêno  

2021-02-03 09:22:19


	&nbsp;

	&nbsp;

	AMED - Rayapêroyî de dosya ke sey dosya îstîsmarê Pasûrî yena zanayîş, bi serran o qerarêk ci ra nêvejîya û gumanbar zî serbest yenê muhakemekerdiş.

	&nbsp;

	Mabêne 13ê Hezîrana 2014 û 21ê Adara 2015 de qezaya Pasûrî ya Amedî de tutêke rastê îstîsmarê cinsî yê 86 camêrdan amebî û serê gerrekerdişê tute de derheqê 60 camêrdan de tehqîqat amebi destpêkerdiş û 10 kesî ci ra amebî tepiştiş û derheqê înan de îdianame ame amadekerdene. Îdianame hetê 2yîn Dadgeha Cezaya Giran ya Amedî ra amebi qebulkerdene.

	&nbsp;

	Çarçewaya îdianameyî de, raporê îşkence, derb û îstîsmarê cinsî zî ca girewt. Yewin roniştişê dewa 17ê Çeleyî 2017 de ame vînayene û roniştişê peyîn de pêro gumanbarî ameyî veradayîş.

	&nbsp;

	Heme gumanbarî bi tahlîye ameyî xelatkerdene

	&nbsp;

	Derheqê 21 kesî de dewa ameye akerdene û mîyan de serekê Baskê Ciwanan ê AKPyî qeza Mehmet (Îlhan) Kara zî estbi. Roniştişê 27ê Gulana 2017 de 11 gumanbarî ameyî tahlîyekerdene. Sewbîna qerarê nimte serê dosya de bi û gumanbarê bîn zî roniştişê 21ê Êlule 2017 de ameyî veradayîş. Bi no hawa heme gumanbarê tepişteyî ameyî veradayîş.

	&nbsp;

	Tute yurd ra rema

	&nbsp;

	Tute hetê Mudurîyetê Polîtîkayê Keye û Komelî ra amebî pawitene la di rey yurd ra rema. Reya ewil gama ke rema, amî vînayîş û reyna ardî yurd. 10 rojî mendibi roniştişê hîrên rê reyna remabî û tewrê roniştişî nêbîbî.

	&nbsp;

	Dayîke vernê de gerre kerd dima ra fek dewa ra vera da

	&nbsp;

	Dayîka tute vernê de derheqê gumanbaran de gerre kerd. La dima ra keyeyê gumanbaran ra teda dîbî. Dayîke dima ra roniştişê Tebaxa 2017 de waştişname erşawit dadgehe rê û vat, a kesî gerre nêkena, kesî nas nêkena û eleqeyê înan hedîse ra çin o.

	&nbsp;

	Dewaya ke 2017 de dewam kena qerarê ci nêameyo dayene. 2019 de ameyne pawitiş ke qerar bêro dayîş la heta 2021 dewam kerd. Roniştişê 21ê Çele reyna taloqê tarîxêko bîn ame kerdene.

	&nbsp;

	&nbsp;