Raporê KCDPî yê Çeleyî: 23 cinî ameyî qetilkerdene 2021-02-02 14:41:51     STENBOL - Goreyê raporê şîdetê camêrdî yê serê cinîyan ê menga Çeleyî 2021 de 23 cinî ameyî qetilkerdiş û 14 mergê bi guman ê cinîyan virazyayî.   Platformê Ma do Cinayetê Cinîyan Bidê Vindarnayîş (KCDP) raporê şîdetê camêrdan serê cinîyan ê menga çeleyî eşkera kerd. Goreyê raporî 23yê Çeleyî de 14 cinîyan bi hawayêko bi guman dinyaya xo bedilnayî.   Cinî hetê kesê ke nêzdîyê înanê ameyî qetilkerdene   Goreyê raporê 23 cinîyan hewt ci ra hetê camêrdê bi înan dir zewicnayeyê bî, 6 înan ra bi camêrdê ke înan dir bîyê û 2 zî hetê camêrdê ke verê înan dir bî, yew ci ra hetê camerdo ke ey dir zewicnayebî, yew hetê pîyê xo yew zî hetê lajê xo ra ameye qetilkerdene.   Cinî keyeyê xo de yenê qetilkerdene   Goreyê dayeyê KCDPyî 16 cinî keyeyê xo de, di zî kuçe de, yew wesayît de, yew zî erazî, yew cayêko bêveng, yew zî otele de ameye qetilkerdene. Cayê cinîyêke ci de amebî qetilkerdiş zî nêame tespîtkerdiş.   16 cinîyê ke ameyê qetilkerdiş, sebebê ci dîyar nêbê. 5 ci ra cinî; seba ke waştê mêrdeyê xo ra vera bidê, pêkerdiş, zewac û têkilî qebûl nêkerdê û 2 ci ra zî seba sebebê ekonomî ameyê qetilkerdiş.   Stenbol de 7 cinî ameyî qetilkerdene   Na menge tewr zêde cinî Stenbol de ameyî qetilkerdiş. Stenbol de 7 cinî ameyî qetilkerdiş.