'Bi amancê kerdişê lêşinî cinî yenê qetilkerdiş' 

2021-02-01 09:39:22


	 

	 

	Rojda Seyidxan-Sêlîn Mihmed

	 

	QAMIŞLO - Îdarekara Keyeyê Cinîyan ê şaristanê Qamişloyî Behîya Mûrad qetilkerdişê cinîyan şermezar kerd û wina vat: "Dewleta tirkî her wext bi rayîrê qetilkerdiş, tecawuzkerdiş û remnayîşî wazena cinîyan bê îrade verdo. La cinî stûnê komelî yê."

	 

	22yê Çeleya 2021 de Hemsereka Meclîsê Bajarokê Til Şayirî ya qezaya Deşîşayî ya Kantonê Hesekî Seda Feysel El-Hermas û Temsîlkara ci Hind Letîf El- Xidêr hetê çeteyê DAIŞî ra ameyî remnayîş û qetilkerdiş. Derheqê babete de Îdarekara Keyeyê Cinîyan ê şaristanê Qamişloyî Behîya Mûrad ercnayîş kerd.

	 

	'Cinîyê erebî mîyanê heme wareyan de xo bi rêxistin kerdî'

	 

	Behîye bale ant serê rêxistinkerdişê cinîyê erebî mîyanê kar û xebatê Îdarekarîyê Xoserî de qal kerd û vat: "Wexto ke projeyê Netewê Demokratîk herême de ame roniştiş, mîyan de îmkanêk zaf pîl cinîyê ereban rê ame awankerdiş ke tewrê mîyanê kar û xebatan bibo. Sewbîna cinîyê erebî mîyanê pêro sazgehan de xo bi rêxistin kerdî û pey dewaya xo şî. Cinîyê erebî cayê xo mîyanê wareyê sîyasî, leşkerî û komelî de girewt. Sewbîna gamê zaf pîl û pîroz eştî. Cinîya erebe bi fikir û felsefeyê azad, seba ke bieşkê azadîya komelê xo bi dest bikerê, xebityenê."

	 

	'Bi amancê kerdişê lêşin cinî yenê qetilkerdene'

	 

	Behîya dewam de wina vat: "Mîyanê awankerdişê Îdarekarîya Xoser de, cinîyê erebî cayê xo girewtî û heme sazgehan de bi rengêko rêxistinkerdişî rayîra berd. Seba ke cinî stûnê komelî ya. Dewleta tirkî her wext rayîrê qetilkerdişî, tecawizkerdiş û remnayîş, cinî kena hedefê xo. Seba tesîrêk serê komelî de bikero û komel bi rijno, nê kerdişî lêşinî dewam kena. Labelê cinîyî pey dewaya xo yê û roj bi roje zî serkewtişê tewr pîl kerdî bi dest. Bi amancê kerdişê lêşin yenê qetilkerdiş."

	 

	'Dewleta tirkî nêeşkenê îrade û îradeyê cinî bişikno'

	 

	Behîya tewr peyîn wina vat: "Kerdişê peyîn yê çeteyê DAIŞî derheqê Hemsereka Meclîsê Bajarokê Til Şayirî ya qezaya Deşîşayî ya Kantonê Hesekî Seda Feysel El-Hermas û Temsîlkarê aye Hind Letîf El-Xidêr de dewamê hêriş û kerdişê dewleta tirkî yo. Bi nê kerdişan her wext waştişê tersêk mîyanê şar de bido awankerdiş û bi taybet zî wazenê mîyanê zerrîya cinîyan de bido awankerdiş. La dewleta tirkî bi nê kerdişê xo yê lêşin bi ser nêkewena, do qetî zî nêeşkenê îradeyê ma bişiknê. Ma do her wext seba azadîya heme cinîyan têkoşîn bikerê û ma do serê rêçê şehîdanê xo de bê, heta ke ma welatê xo bi xelisnê."