Tîyatrokare Berîvane: Yewin waştişê ma sehneyo azad o  

2021-01-24 15:13:45


	 

	WAN - Kaybaz û tîyatrokarî prosesê pandemî de bi tesîr bî. Kaybaza  Tiyatro Mencelî, Berîvan Budakbeyoglu dîyar kerd ke seba pandemî kayê ma nimced mend û vat: "Ma hêvî kenê ke dimayê pandemî ma xebatê xo yê Mencelî pîl bikerê û bi hawayêko azad vejîyê serê sehne."

	 

	Vîrûsê korona ke tesîr heme cayê dinya kerd, xeylêk baskê karî xebatê xo dayî vindernayîş. Huner û sahne eynî prosesî ra tesîr bî. Tîyatro, sînema û konser bi hawayêko fîlî ameyî qedexekerdene. Hîn tîyatro yê  taybet seba paştdayîşî nêgirewtene, seba bac, prîm û kira ameyî sewîyeya girewtene. Bêguman tîyatroyê kurdî zî zêdeyêr nê probleman dir rî bi rî mendî.

	 

	Tîyatro Mencel, 2017 de seba hunero alternatîf bikero, hetê 7 kaybazan ra ame awankerdene û prosesê pandemî de yew ci ra komelê tîyatroyê yo û tewr zêde tesîr bîyo. Tîyatro Mencel ke bi  giranî kayê kurdî kay keno, Berîvan Budakbeyoglu derheqê prosesî de qisey kerd.

	 

	'Tirkî ya rewşa tîyatro zor û zehmet o'

	 

	Berîvane dîyar kerd ke eleqeyê hemverê kayanê Tiyatro Mencel zêde yo la seba vîrus ra mecbûr mendê perdeyê xo bigîrê ûwina vat: "Ma waşt ke ma tîyatroyêke alternatîf awan bikerê. Wareyê hunerî de her kes zano ke qezencêk baş nîyo. Bi taybetî zî Tirkîya de. Gama ke merdim serê sehnî de fikrê xo bi rehetî îfade bikero, o wext bala îqtîdaran anceno. Pêwa nê teda û zordarî ma kayê xo dewam kerd. Seba pandemî, xeylêk kayê ma nîmced mendî. Înan ra yew zî kayê ma yê serê promîyerî 8ê Adare de bi. O zî nimcet mend. Nika bernameyêk ma yê televîzyonî esto. Tîyatro Mencel, Amed, Tîyatroyê Jiyana Nû û Tîyatroyê Yektî Hevapîya bernameyê, ‘Hinek Henek’ viraznenê."

	 

	'Ma do bi Mencelo ke newe bikerê de dewam bikerê'

	 

	Berîvane wina qedêna: "Verê pandemî de atolyeyê ma yê seba tut û pîlan bî. Ganî proses ra ma mabêne da. Ma verê atolyaya tutan viraşt. Projeyê ma yê serê ‘atolya kukla û rîtîm’ û drama ê tutan esto. Pandemî biqedîyo yan zî tay şenik bibo, do nê atolye dewam bikerê. Pandemî ma dano zor û zehmetî la projeyêk ma esto eke bêro qebulkerdiş ma do Tiyatro Mencel hîra û newe bikerê. Yewin waştişê ma oyo ke kayî bi hawayêko azad bêrê kay kerdene"