'Ma do wayîrê çalakîya tepişteyanê xo vejîyê' 

2021-01-24 14:16:00


	 

	Sema Çaglak

	 

	AMED - Lajê Eyşan Akin 7 serrî yo tepişte yo û Eyşan derheqê rewşa tepişteyan de wina vana: "Ma kurdî tena aştî û heqê xo wazenê. Kam wazeno bindest bibo? Heme kesî seba ziwan û nasnameyê xo têkoşîn kenê. Ma kurdî dewaya bîyayîşê xo kenê. Ma do wayîr dewa û çalakîya tepişteyanê xo vejîyê."

	 

	27ê Teşrîna peyêne 2020 de tepişteyê sîyasî yê zîndanê Tirkîya û herême de vera tecrîdê serê Rayberê PKKyî Abdullah Ocalan û binpaykerdişê heqê tepişteyan dest bi grevê vêşanîye yê bêdem û bidor kerdî. Çalakîya grevê vêşanîye 59 rojî dewam keno. Keye, merdimê tepişteyan û sazgehê sivîl seba bale bi ancê serê grevê vêşanîye de vengdayîşê hîsgêrî kenê.

	 

	'Ma do pey tepişteyanê xo bê'

	 

	Yew înan ra zî Abdulmelîk Akino ke  7 serrî yo Zîndanê Tîpê D yê Amedî de yo. Dayîka ey Eyşan Akin destpêkê qiseykerdişê xo de bale ant serê şert û mercê zîndanan û wina vat: "Bi hawayêko baş ne awe ne zî werd danê tepişteyan. Cilê ke ma înan rê şawenê nêdanê, pêrûne heqê înan ameyo binpaykerdiş. Do tepişteyî senî hemverê nê zulmî bêveng bimanê. Tu kes nêeşkeno nê zulmî qebul bikero. Coka dest bi grev kerdê. Heta bi heta ke tutê ma grev de bê, ma do pey tutanê xo de bê."

	 

	'Zulmo ke serê ma de kerdo nêmendo'

	 

	Eyşane dîyar kerd ke Tirkîya de edalet çin o û wina vat: "Ma şînê pêvînayîş, des rey solanê ma linganê ma ra vejenê, porê ma akenê, cilanê ma vejenê. Zulmê ke serê ma de kenê, nîno vatene. Yê ke nê zulmî rê bêveng manenê, nê zî şirîkê dewlete yê. Heme kesî keyeyê xo de ronişteyê vanê, 'ma do se bikerê' o wext wa pêro kurdî wirzê û vera nê zulmî têkoşîn bikerê."

	 

	'Hêriş û zulmê serê şarî netîceyê tecrîdî yo'

	 

	Eyşane dîyar kerd ke zulm û hêrişê serê kurdan netîceyê tecrîdî yo û vat: "Her wext seba wedaritişê tecrîdî û şermezarkerdişê binpaykerdişê heqê tepişteyan de grevê vêşanîye yenê destpêkerdene. Heta ke tecrîd werte ra nêwedaryo do grevê vêşanîye nêqedîyê. Ewro her çar parçeyê Kurdîstanî de hêrişî serê ma de yenê kerdene. Ma kurdî dewaya bîyayîşê xo kenê. Eke ma vinî bikerê, ma do nêheqî xo rê bikerê. Kam ziwan û bîyayîşê xo vinî bikero, bîyayîşê xo zî vinî keno. Êdî kurdî aya bîyê. Do kurdî serkewte bê. Wa qet çimanê xo nêgîrê û wa bivînê ke çiqas şino kurdî zêde benê û aya benê.