
DBP: Do bi rayîrê dîyalogî grevê vêşanîye peynî bibo 

2021-01-20 15:39:30


	&nbsp;

	&nbsp;

	AMED - DBPyî Amed de bi çalakîyêke grevê vêşanîye rê selam kerd û tecrîdê vera Rayberê PKKyî protesto kerd. Çalakîye de venga şarî ame dayene ke wa hîsger bibo.

	&nbsp;

	Rêxistina DBPyî ya Amedî bi çalakîyêka eşkerayîye grevê vêşanîye rê selam kerd û tecrîdê vera Rayberê PKKyî protesto kerd. &nbsp;Îdarekarê HDP û BDPyî, Wekîla Amedî Remzîye Tosun, endamê TJA, Komeleya Huqûqnasan a Seba Azadîye (OHD), MEBYA-DER, TUAY-DER Parka Koşuyolî de tewrê eşkerayîye bîyî.

	&nbsp;

	Hemsereka DBPyî ya Amedî Sevale Gulmez eşkerayîye de qisey kerd û vat: “Grevê vêşanîye yê tepişteyan ê vera tecrîdê Îmraliyî 55 rojî yo dewam keno. Meseleyê zîndanan tesîrê pêro komelî kenê û îqtîdar nê meseleyan peygoş keno. Tepişteyî vera Korona û binpaykerdişan têkoşîn kenê. Ma sey DBP wazenê ke cade tecrîdê vera Birêz Ocalanî bêro wedaritene, meseleyê zîndanan pê dîyalogan çareser binê. Ma venga selahîeytdaran danê ke wa wezîfeyê xo bîyarê ca û venga şarî danê ke na babete de wa hîsger bibo.”

	&nbsp;

	Eşkerayîye pê sloganê 'Biciwîyo xoverdayîşê zîndanan' qedîyaye.

	&nbsp;