Ferzkerdişê poşmanî parçeyêk hewldayîşê faşîzmî yo 

2021-01-19 09:19:08


	 

	ÎZMÎR - Serpîl Kemalbay, rewşa tepişteyê ke tahlîyeyê înan ameyo û poşmanî înan rê ameyo ferzkerdene û cezaya înan ameya dergkerdene ercna û dîyar kerd ke no metod pêro komelî do esas de bikero binê teda û vat, ganî vera hewldayîşê faşîzmî têkoşînê yewbîyaye bibo.

	 

	Tepişteyê bi nameyê Dîdar Boza, Ceylan Bozkurt û Merve Nur Îşleyîcî ke 9ê Çele de zîndanê Cinîyan ê Şakranî de înfazê înan qedîya, bi sebebê Rêziknameyê Derheqê  Ercnayîşê Tepişteyan yê bi Merkezê Taqîbkerdişî nêameyî tahlîyekerdene.  Parlamentera HDPyî ya Îzmîrî Selpîl Kemalbay derheqê babete qisey kerd û dîyar kerd ke nê caardişî dewamê polîtîkayê faşîzmî yê û bale ant serê grevê vêşanîye û vat, têkoşîn ferz o.

	 

	Tepişteyî binê tehdîdî de yê

	 

	Seprîle dîyar kerd ke rêziknameyî de cezayê tepişteyê ke qedyayê ameyê  dergkerdiş û persê sey îtîrafkarî û poşmanî înan rê ameyê perskerdiş. Serpîle wina vat: "Raporê derheqê ke zirar danê kes û sazgehan amade kerdê û hewl dayê ke tepiştişê înan dewam bikero. No metdoê ke newe yê bêdadîye yo. Nê tepişteyî seba ke HDPyijî bêkfî yenê tepiştene."

	 

	Hewldayîşê mendekerdişê faşîzmî yo

	 

	Serpîle qiseykerdişê bale ant serê bêhuqûqîyan û vat: "Nê serebûtê peyînî, yew parçeyê polîtîkayê mendekerdişê faşîzmî yê. No raste rast girêdayê polîtîkayê tecrîdî yo zî. Îqtîdaro ke 40 serrî ra zêdeyêr pêrodayîş û şer ra xo wey keno, nika zî hîna zaf çimsûr beno û hacetê faşîzmî kenê dewre."

	 

	'No hetêk bîn yê tecrîdî yo'

	 

	Serpîle vat polîtîkayê tecrîdî yê Îmrali û zîndanê bînan ameyê zêdekerdiş û vat: "Tepişteyî nika bi amancê wedaritişê tecrîdê Îmralî kewtê grevê vêşanîye. Hîrê tepişteyê cinî zî bi şert nînê tahlîyekerdene û no zî hetêk bîn yê binpaykerdişê heqan o. Keyeyî îtîrazê xo kenê. Îqtîdar seba waştişê aştî ra terseno, zîndanan sey qoz destê xo de verdeno. Îqtîdar sewîyeya tahlîye de vano ke ‘ti poşman a/î yan nê.' Tirkîya huqûqî unîversal ra tersena. Tu faşîzm heta peynî nêşino."

	 

	'Ganî her kes têkoşîn bikero'

	 

	Serpîle tewr peyîn qiseykerdişê xo de dîyar kerd ke Tirkîya hetêk ra behsê cagirewtişê Yewîya Ewropa kena û hetêk ra zî îmze erzena caardişê bêhuqûqî û vat: "Vera hewldayîşê faşîzmî ganî têkoşîn bêro dayene. Zîndanan de xoverdayîşê seba aştî û demokrasî yeno kerdene. Seba nê ganî tena HDPyijî ney pêro kesî têkoşîn bikerê."