Mayê Aştîye: Wa tutê ma zîndanan de nêmirê 

2021-01-18 09:15:49


	 

	SÊRT -  Mayanê Aştîyê dîyar kerdî ke waştişê heqdar yê tepişteyan esto û vatî ganî êdî mayî nêbermê. Mayanê Aştîye wina veng dayî: "Êdî bes o, wa tutê ma zîndanan de nêmirê. Gelo qet wijdanê dewlete çin o. Wa veng bidê vengê tepişteyan."

	 

	Tepişteyê ke bi amancê tecrîdê serê Rayberê PKKyî Abdullah Ocalanî bêro wedaritene û peynîya binpaykerdişê heqan yê ke yenê ciwîyayîş bêrê, 27ê Teşrîna Peyîne de dest bi çalakîya grevê vêşanîye kerdî. Grevo ke her cay dinya de vila beno, koma 10ine nika çalakî dewam kena.

	 

	Mayanê Aştîye derheqê babete de ercnayîş kerdî û dîyar kerdî ke ganî waştişê tutanê înan bi ca bêrê û vengdayîşê hîsgêrî şarê Kurdî û hetê bi hîsgêr kerdî.

	 

	'Wa kezebe mayan nêveşo'

	 

	Tepişteyo bi nameyê Abdulmecît Aslan 2012 de kewtibi grev û 68 rojî grev de mendibi. Maya ci Maşallah Işik Aslan dîyar kerd ke ganî waştişê tepişteyan bi ca bêrê û wina va: "Lajê mi verê 68 rojan grev de mendibi. Dimayê nê bedenê ey de texrîbat virazyabi û seba nê texrîbatan serrêke dima ra dinyaya xo bedilna. Kezeba mi veşa, wa kezebe mayanê bînan nêveşo."

	 

	'Heta waştişî bi ca nêrê ma do bêveng nêmanê'

	 

	Maşallahe wezaretê dade rê vengdayîş kerd û vat, hema ke erey nêbîyo, wa waştişê tepişteyan bi ca bêro û wina vat: "Wa cenazeya tu ciwanî nêşêro serê mayanê înan. Êdî bes e, ma tena nê wazenê. Tutê ma seba nê welatî têkoşîn kenê. Heta waştişê tutanê ma bi ca nêrê, ma do têkoşîn bikerê."

	 

	'Wa goş bidê waştişê tutanê ma'

	 

	Maya Aştîye Vetha Kaçar zî dîyar kerd ke bi serran o tepişteyî xo ver danê û vat: "Ma nêwazenê cenazayê ciwanan bêrê. Wijdanê dewlete çin o. Waştişê tepişteyan bi qasê awe lazim bi. Êdî bes o, wa tutê ma nêmirê. Tutê ma uca de helênê. Gelo selahîyetdarî senî rehet rakonê? Grev, tesîrêk pîl serê bedenî keno. Hîn tepişteyî 30 serrî yo tepişte yê. Gelo bi dewlete dir qet wijdan çin o? Seba pandemî nêbenê nêweşxane zî. Wa wezaretê dade goş bido, waştişê tepişteyan. Yewin waştişê ma no yo."