
'Vayîye ke zêde bîya tesîrê xo serê pesdewarî kena'

2021-01-16 09:16:18


	&nbsp;

	WAN - Welatijê dewa Karpuzalan debara xo bi pesdewarî kenê, dîyar kerdî ke seba vayîya êmê heywanan ra, rojê zehmet ciwîyenê.

	&nbsp;

	Herêma ke çimeyê debare pesdewarî ya, a zî pare xo krîzê ekonomî ra girewt. Welatijê ke debara xo bi pesdewearî kenê, seba vayîya êmê heywanan rojê zehmet ciwîyenê. Welatije ke êdî nêeşkenê heywanan biewnê û nêefterenê ke heywananê xo biroşê, çika debara xo wina kenê. Cinîyê dewa Kapuzalanê Îpekyolî yê Wanî de ciwîyenê, qalê problemê krîzê ekonomî kerdî.

	&nbsp;

	‘Ez fikirîyena ke heywananê xo biroşî'

	&nbsp;

	Cinîya bi nameyê Nazli Tamverdî bale ant serê vayîye û vat: "Ma bi şitê heywananê xo debare kenê. Heywanê mi kêmî yê. Ma nêeşkenê zêde bigîrê. Heywanê mi kêm ê. Seb aewnîyayîşê înan zehmet o. Seba nê zî xeylêk kesî mecbûr mendî ke heywananê xo biroşê. Tonê vaşî goreyê kalîteyê ci mabêne hezar û 2 hezar de vuryeno. No zî tena çend rojan qîm keno. Seba nê zêde nêeşkena biewnî û reyan vana ke biroşî, la ma mecbûr ê biewnê. Seba ke îmkanê ma yê sewbîna karî çin o."

	&nbsp;

	'Êm vay o'

	&nbsp;

	Esmer Tamverdî zî vat ke pesdewarî seba krîzê ekonomî kêm bîyo û vat: "Çimeyê debara ma tena heywanê ma yê. Ma şitê xo roşenê mandra. Ma wina debera xo kenê. Çuwalêk yulaf 50 TL yo. Çuwalêk cêw 130 TL yo. Ma nêeşkenê bigîrê. Verê pesdewarî tewr asan bi."

	&nbsp;

	&nbsp;‘Zimistanî şîyaye zêde beno'

	&nbsp;

	Fehîme Yureklî dîyar kerd ke erdê xo rotê û pê heywanî girewtê û vat: "Dewlete paştdayîş nêdana. Ewnîyayîşê heywanan zehmet o. Dem bi dem ez vana ez biroşî. La îmkanê karî çin o û ma mecbûr ê dewam bikerê. Zimistanî şîyayê heywanan hîna zêde yo. Ma tonêk vaş bi hezar TL gênê û demêk tay qîm keno."

	&nbsp;

	&nbsp;