
Koordînasyonê Teqîbkerdişê Grevê Vêşanîye ra vengdayîşê ‘Ganî tecrîd cade wedarîyo’ 

2021-01-14 15:29:59


	&nbsp;

	ENQERE - Koordînasyonê Teqîbkerdişê Grevê Vêşanîye da zanayene ke ganî peynîya tecrîdê vera Rayberê PKKyî Abdullah Ocalanî û hêrişanê vera zîndanan bêra ardene.

	&nbsp;

	Dima ke tepişteyan vera tecrîdê Rayberê PKKyî Abdullah Ocalanî û binpaykerdişanê heqanê xo dest pê grevê vêşanîye kerd hetê Komeleya Heqanê Merdiman, Yewîya Tabîbanê Tirkî (TTB), Komeleya Huqûqnasanê Azadîwaştoxan (OHD), Komeleya Huqûqnasan ê Modernan (ÇHD) û Weqfa Heqanê Weqfa Heqê Merdiman ya Tirkîya (TÎHV) ra Koordînasyonê Teqîbkerdişê Grevê Vêşanîye ame ronayene. Koordînasyonî Merkezê ÎHDyî de kombîyayîşêkê çapemenîye kerd.

	&nbsp;

	'107 zîndanan de grevê vêşanîye esto'

	&nbsp;

	Hemserekê Komeleya Heqê Merdiman (ÎHD) Ozturk Turkdoganî kombîyayîş de qisey kerd û eşkera kerd ke 107 zîndanan de grevê vêşanîye esto. Ozturkî îfade kerd ke tecrîd û binpaykerdişê heqanê tepişteyan zîndanan de bi hawayêkê sîstematîkî yenê caardene.

	&nbsp;

	'Qedexeyê pêvînayîşî reyna kewtê dewre'

	&nbsp;

	Ozturkî dîyar kerd ke binpaykerdiş zîndanan xeylêk bîyê zêde, qedexeyê pêvînayîşî reyna kewtê dewre û vat: ''Verî zî netîceya grevê vêşanîye de tecrîdê Zîndanê Îmraliyî wedarîyabi la 7ê tebaxa 2019î ra nata tecrîd newe ra yeno caardene. Na rewşe pêşnîyazanê CPT û Krîteranê Mandelayî yo. Ganî tecrîd cade bêro wedaritene.''

	&nbsp;

	'Ma grev nêzdî ra taqîb kenê'

	&nbsp;

	Ozturkî venga selahîyetdaran da ke seba wedaritişê tecrîdî têbigêrê û wina dewam kerd: ''Ganî tepişteyê grevê vêşanîye bi hawayêkê nîzamî bêrê kontrolkerdene û goreyê protokolan werd bêro dayene înan. Ma sey Koordînasyonê Teqîbkerdişê Grevê Vêşanîye grev nêzdî ra teqîb bikerê û derheqê ci de raporêk amade bikerê.''&nbsp;

	&nbsp;