Rêxistinanê Afrîkaya Başûrî semedê Abdullah Ocalanî kampanya dayî destpêkerdene 

2021-01-11 14:56:02


	 

	
		 
	
		MERKEZÊ XEBERAN - Rêxistinanê KHRAG û COSATU yê Afrîkaya Başûre da eşnawitene ke înan bi nameyê, wextê ci ame “Seba aştîya têdûşte ya Tirkîya Abdullah Ocalanî rê Azadîye” daye destpêkerdene.
	
		 
	
		Koma Xebate ya Kurdan a Afrîkaya Başûre (KHRAG) û Konfederasyonê Sendîkayan ê Afrîkaya Başûre (COSATU) pê eşkerayîyêka hempare da zanayene ke înan kampanyaya bi nameyê 'Seba aştîya têdûşte ya Tirkîya Abdullah Ocalanî rê Azadîye' daye destpêkerdene.
	
		 
	
		Çarçewa kampanya de yeno waştene ke seba azadîya Rayberê PKKyî Abdullah Ocalanî ganî Yewîyê Neteweyîye têbigêrê. Sekreterê Pêroyî yê Neteweyanê Yewbîyayeyan Antonio Guterresî rê seba ney mektubêk nusîya.
	
		 
	
		BM rê mektub
	
		 
	
		Mektub de bale yena antene raporê CPTyî yê tebaxa 2020î ser. Koman mektub de vist vîrî ke Neteweyê Yewbîyayeyî senî ke verê Nelson Mendaleyî de têgêrayî bi nê hawayî verê Abdullah Ocalanî de têbigêrê.
	
		 
	
		COSATU û KHRAGî venga her kesî da ke tewrê kampanya bibo. Eşkerayîya înan wina ya: “Bi serran o Tirkîya binê polîtîkayanê xiraban ê Erdoganî de ya. Nê polîtîkayî tesîrê kurdanê Tirkîya û haştîya Rojhelatê Mîyanênî, Başûrê Afrîka, Kafkasya û Ewropa kenê. Azadîya Abdullah Ocalanî seba haştîya Tirkîya û herême hewce yo. Senî ke azadîya Nelson Mandelayî ra dima Afrîkaya Başûre de dewletêka demokratîke ronîyaye ma pê bawer ê ke eke Ocalan vera bidîyo Tirkîya de zî haştîye do bêra ronayene.
	
		Neteweyanê Yewbîyayeyan seba veradayîşê Nelson Mandelayî mîsalêk (Krîterê Neslson Mandelayî) kerdbi. Dima hem Mandela hem zî tepişteyê sîyasîyî vera dîyabî.
	
		Ma venga her kesî danê ke derheqê babete de Sekreterê Pêroyî yê Neteweyanê Yewbîyayeyan rê mektub, maîl ûsn. bierşawê.”
	
		 
	
		Eşkerayî de ame vatene ke mektubî wa nê adresî rê bierşawîyê
	
		 
	
		Mr António Guterres Secretary-General United Nations UN Headquarters, S-3800 New York, NY 10017 USA