'Ganî cinîyê êzidî wargehan de serê herra xo de xo ver bidê' 

2021-01-10 15:11:34


	 

	Viyan Saîd - Nesrîn Husin

	 

	SENGAL - Rêxistinê cinîyê êzidîyan hemverê xokiştişê bi guman yê cinîyê ciwanan vengdayîşê xo yê rêxistinbîyayîşê kerdî û vatî: "Ma veng danê cinîyan ke wargehê bîyaye terk bikerê û bêrê serrê herra xo. Ma eşkenê serê herra xo de dejê xo pare bikerê û problemanê xo çareser bikerê. Cayêk xoverdayîş bibo û uca de ciwîyayîş esto."

	 

	Demê peyîn de hûmara cinîyê xokiştişî cinîyê ciwanan yê êzidî zêde benê. Wargehê Multecîyê Êzidîyan ê Dihokî rojê vîyarte de 3 cinîyê ciwan bi hawayêk guman peynîya cuya xo ardî. Xokiştişê cinîyan ê Wargehê Multecîyan yê Êzidîyan yê Herema Federal ê Kurdistanî de yenê meydan, bi babete rêxistinê cinîyê êzidîjan. Derheqê babete de endamê Tevgerê Azadîya Cinîyê Êzidî (TAJÊ) Nîam Îlyas û Emşê Alî ajansê ma rê qisey kerd.

	 

	'Ma eşkenê pîya dejê xo parebikerê'

	 

	Niam Îlyas derheqê xokiştişê cinîyê ciwanan de wina va: "Ma beramberê fermanan nika rêxistinbîyayîşê xo awan kerd, seba heme fermanan de cinî hedef ameyî girewtene. Serra newe de hema vaje 5 û 6 cinîyê ciwanî xo kiştî. Ma veng danê temamê cinîyê ciwanî ke bibê wayîrê îradeyê û xo bibawerbê. Şengal de keyeyê cinîyan esto. Ma uca de hewl danê ke problemanê xo çareser bikerê. Ma wazenê sîstemêk awan bikerê. Ma sebebê nê hedîseya baş zanê. Ma zanê ke sebebê ci pederşahî yo. Seba nê ma veng danê ke wa agêrê serê herra xo û ma tîya pîya dejê xo pare bikerê."

	 

	'Xo rêxistin bikerê û bipawê'

	 

	Emşê zî wina va: "Serra 2021 de 6 cinîyê ciwanî peynîya cuya xo ard. No çî zaf zorê ma şino. Ez nê bawerî de ya ke eke ê serê na herra de bîne, peynîya cuya xo nêardêne. Sebebê nê xokiştişî zaf ê, la zafê xo, xo bêçare vînenê. Ma tîya wareyê cîya cîya de  cayê xebatan akerdo. Ma ê bawerî de yê ke do babetê wina nêrê ciwîyayîş. Seba ke tîya ma xo birêxistin kenê û xo perwerde kenê û xo bipawê. Reyke bîn ez veng dana cinîyê ciwanan. Verê xo bidê herra xo, ma tîya seba awankerdişê cuyêka newe têkoşîn bikerê."