'Amancê qirkerdişê Parîsî qedênayîşê tevgerê cinîyan bi' 

2021-01-09 09:25:29


	 

	Dilucan Bozî

	 

	KOBANÊ - Hemsereka Têkiliyê Diplomasîyê ya PYDyîya Herêma Firatî Almas Romî derheqê 9ine serrgera qirkerdişê Parîsî ser ercnayîş kerd. Almase wina va: "Qirkerdişê Parîsî bi planêke lêşin ame kerdene. Amancê nê qirkerdişî, vindîkerdişê tevgerê cinîyan bi."

	 

	9ê Çeleyê 2013 de raybera tevgerê azadîya cinîyê kurdî Sakîne Cansiz (Sara), Endama KNKyî ya Parîsî Fîdan Dogan (Rojbîn) û Endama Tevgerê Ciwanan Leyla Şaylemez (Ronahî), Buroyê Enfermasyonê Kurdistanî yê Paytextê Parîsî yê Fransayî de ameyî qetilkerdene.

	 

	Derheqê na babete de Hemsereka Têkilîyê Dîplomasîyî yê Partîya Yewîya Demokratîke (PYD) a Herêma Firatî Almas Romî ercnayîş kerd.

	 

	'Bi hawayêko plankerde hêrişê cinîyan kenê'

	 

	Almase dîyar kerd ke bi qirkerdişê Parîsî dir îradeyê tevgerê cinîyan hedef ameyo girewtene û wina va: "Qirkerdişo ke Parîs de ameyo kerdene, amanc oyo ke şexsê cinîyê azadan Sakîne Cansiz, Fîdan Dogan û Leyla Şaylemez de tevgerê cinîyan biqedênê û cinîyan bê îrade verdê. Hîrê cinîyê rayberî, pêro cuya xo de projeyê cuya azad, têduşt û demokratîk kerdêne û hema zî rayrayîşê înan dewam keno. Qirkerdişê Parîsî yê 9ê Çeleyê 2013 de ame kerdene, tesaduf nêbi, bê guman no qirkerdiş hetê îşxalkerdan ra plankerde bi. Her qirkerdiş de dewletê îşxalkerde bi hawayêko plankerde hêrişê cinîyan kenê, seke nimûne ma eşkenê qirkerdişê Silopiya, Parîs û Helincî bidê."

	 

	'Amancê qirkerdişê Parîsî qedênayîşê tevgerê cinîyan bi'

	 

	Almase tewr peyîn wina va: "Dewletêke hêzê cinîyan ra biterso, bê guman do her fersendî de hewl bida ke cinîyan çin bikera û rayberê cinîyan qetil bikera. Dewletê îşxalkerdeyî her demêk de metodê tewr xirab serê ê cinîyan de wazenê bi ca bîyarê. Qirkerdişê Silopiya, Parîs û Helincî ame kerdene. Nê hîrê qirkerdişan de 9 cinîyê rayberê komelî ameyî qetilkerdene. La wa îşxalkerdoxî baş bizanê ke têkoşînê cinîyan bêmabên dewam keno. Nê dewletê ke tewr zaf heqê cinîyan binpay kenê înan ra yew dewleta tirkî ya. Planê îşxalkerdoxan bi ser nêkewtî. Cinî tewr zaf wayîrê têkoşînê xo vejîyenê. Ma pêro cinî taqîbkerdoxê Sara, Leyla û Fîdanan ê û ma do her wext têkoşînê xo tewr xurt bikerê û bibê wayîrê hêzê bingeyîn ê Sarayan."