Grevê vêşanîye roja 42ine de yo 

2021-01-07 14:31:42


	 

	MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene roja 42ine de dewam keno.

	 

	Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, bi koma 9ine roja 42ine de dewam keno.

	 

	Tepişteyan dîyar kerd ke nika 120 zîndanan de grevê vêşanîye yê bêdem û bidor dewam keno û vatî: “Ganî hemverê faşîzm de xeta hempar ê têkoşînî bêro awankerdene. Heta ke nêbo erey, ganî her kes bikewo mîyanê hewldayîşan.”