Grevê vêşanîye roja 41ine de yo  

2021-01-06 14:06:08


	 

	MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene roja 41ine de dewam keno.

	 

	Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, bi koma 9ine roja 41ine de dewam keno.

	 

	Komeleya Paştdayîşê bi Keyeyê Hukumwerdoxan û Tepişteyan ê Marmarayî (MATUHAY-DER), Kongreya Komela Demokratîk  (HDK), Tevgera Cinîyê Azadî (TJA), Partîya Herêma Demokratîk (DBP) û Partîya Demokratîke ya Şaran (HDP), hemverê tecrîdê Îmraliyê vizêr Zîndanê Cinîyan ê Bakirkoyî de eşkerayî dayî. Kesê ke eşkerayî dayî, bale antî serê grevê vêşanîye.