
Çalakîya Şengalî roja 22ine de dewam kena 

2020-12-23 15:25:41


	&nbsp;

	ŞENGAL - Xoverdayîşê şarê Şengalî yê seba wayîrvejîyayîşê Asayîşê Êzidxanî û vera peymana Bexdad-Hewlêrî ya serê Şengalî bi şîarê ''Ma pêro Asayîş ê'' roja 22ine de dewam keno.

	&nbsp;

	Roniştoxê Şengalî vera peymana PDK-Iraqî ya serê Şengalî pîya wayîrê Asayîşê Êzidxanî û hêzanê xo yê pawitişî vejîyenê. Şengalijî 22 rojan ra nata verê Asayîşê Êzidxanî de xeyme de çalakîya nobete kenê.

	&nbsp;

	Şengalî ra her roje xeylêk kesî û temsîlkarê meclîs û dezgehê Şengalî xeyma çalakîye zîyaret kenê û tewrê çalakîye benê. Endama Meclîsê Cinîya ya Borik Maya Şengal ke mîyanê çalakî de ya va: "Heta waştişê ma yê ke ma pêşkêşê hukmatê Iraqî kerdobi ca nêro ma fek çalakîya xo ra vera nêdanê. Seba ke hêzê asayîşê ma, seba komeleyê êzidî babetêk bîyaye û nêbîyaye yo. Komelê êzidî xo bi Hêzê Asayîşê xo paweno. Ma sey cinî, doman û kal heta peynî xo ver danê."

	&nbsp;