'Bi rayîrê perwerdeyî cinî eşkena xo heme hêrişan ra bipawa' 

2020-12-20 15:04:42


	 

	Raperîn Bekir

	 

	
		ŞEHBA - Endama Komîteyê Jineolojî ya Herêma Efrînî Zaxocan Hisên, serê lazimîyê xopawitişê cinîyan vera sîstem û zîhnîyetê îqtîdarî fikrê xo ard ziwan û va: "Tarîx ra heta roja ma ya ewro her hêriş serêcinîyan de ameyo kerdene û cinî ameya bindestkerdene. Cinî bi rayîrê perwerdekerdişî eşkena xo heme hêrişan ra bipawa."
	
		 


	Cinîyî, serdemê neolotîkî de cayêk berz de bî û komelî de cayêk înan girîng estbi. No zî goreyê hesabê camêrdan nêbi, coka zîhnîyetê pederşahî vejîya werte û cinî kerdî binê sîwanê koletî de. Cinî heqê xo yê pawitişî ra ameybî mehrûmkerdene û binê versîya camêrdan de ciwîyayîne. Lazim bi ke cinî pawitişê xo bi xo bikera. Bi Şorişê Rojawanê Kurdistanî dir û bi xeyrê fehmê Rayberê PKKyî Abdullah Ocalanî hêzê cinîyan tewr zêde bi. Derheqê babete de Endama Komîteyê Jinelojî ya Herêma Efrînî Zaxocan Hisên, serê lazimîyê xopawitişê cinîyan vera sîstem û zîhnîyetê îqtîdarî de fikrê xo ma dir pare kerd.

	 

	'Cinî bîyayîş û komelê xo pawitêne' 

	 

	Zaxocane destpêkê qiseykerdişê xo de bale ant serê rayberîya cinîyan û va: "Serdemê Neolotîkî de cinî rol û mîsyonê xo dabi awankerdene. Komel, bi rengêk pîya ray berdêne û cayêk girîng de bî. Cinî bîyayîşê xo û komelê xo çinkerdişî ra pawitêne. Sewbîna rayberîya komelê xo kerdêne. Heskerdiş, têduştî û aştî mîyanê komelî de vila kerdêne. No zî hesabê zîhnîyetê camêrdê serdestî nêameyîne, coka koletîyê cinîyan aver berdî."

	 

	'Bi perwerdeyî cinî eşkena xo bipawa' 

	 

	Zaxocane tewr peyîn wina va: "Camêrdê îqtîdarî, her wext cinîyî sey cinsîyetêk sist, zeyîf mîyanê komelî de bimanê. La cinîya xoverdayoxe nê çî qebûl nêkerd û bi cesaretê xo tarîx nuşt. Bi rayîrê perwerdekerdişî û zanebîyayîşî cinî eşkena bi fikrê xo hemverê zîhnîyetê pederşahî û polîtîkeyê îqtîdarî vindera. Cinî eşkena xo û welatê xo zî bipawa, no zî şorişê Rojawanê Kurdistanî de vejîya meydan."

	 

	'Ma do hemverê sîstemê bîyaye bîyayîşê xo bipawê'

	 

	Tewr peyîn Zaxocane wina va: "Vengdayîşê mi temamê cinîyê dinya esto ke ageyrê cewherê xo yê rast. Sewbîna cewherê cinîbîyayîş fikrê xo de awan bikero ke ma bieşkê hemverê zîhnîyet û sîstemê bîyaye yê îqtîdarî bîyayîşê xo bipawê."