
Dîlok de nêweşxanê de teqayîş: 8 kesî merdî

2020-12-19 16:05:38


	&nbsp;

	DÎLOK - Dîlok de nêweşxaneyêkê taybetî de teqayîş qewimîya, 8 kesan dinyaya xo bedilnaye.

	&nbsp;

	Nêweşxaneyê Taybetî yê Sanî Konukogluyî yê Dîlokî de serwîsê ciewnîyayîşê giranî de saetanê sere sibayî de teqayîşêk qewimîya. Netîceya şewatî ke badê teqayîş vejîya de 8 kesan dinyaya xo bedilnaye.

	&nbsp;

	Ame vatene ke teqayîş rîyê aletê nefesgirewtişî ra vejîya. Walîtîye da zanayee ke badê teqayîşî 19 kesê ke serwîsê ciewnîyayîşê giranî de kewtêne înan ra 8 kesan dinyaya xo beidlnaye, 11 nêweşê bînî zî nêweşxaneyanê derûdorî de ameye cakerdene.

	&nbsp;

	Nameyê kesanê ke dinyaya xo bedilnaye wina yê: "Mehmet Reşit Saydanoglu (75), Fethiye Kirca (78), Naciye Ulukutuk (56), Abdi Hamzaoglu (68), Elife Akgul (85), Okkaş Akbulut (69), Kahraman Taş (71) û Ali Saffet Kanpolat (64)."&nbsp;

	&nbsp;