Koma 5ine çalakîya grevê vêşanîye dewr girewte  

2020-12-17 15:07:24


	 

	MERKEZÊ XEBERAN - Grevê vêşanîye yo ke seba wedaritişê tecrîdê vera Rayberê PKKyî Abdullah Ocalanî û binpaykerdişê heqan dîya destpêkerdene roja 21ine de bi dewrgirewtişê koma 5ine dewam keno.

	 

	Tepişteyanê PKK û PAJKî 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqan grevê vêşanîye dabi destpêkerdene.

	 

	Tepişteyî destpêkerdişê grevê vêşanîye de wina veng dabî rayaumûmîye û vatbî: “Ma sey tepişteyanê PKK û PAJKî heta tecrîdê vera Rayberîye biqedo ma do grevê xo dewam bikerê. Seba ke tecrîdê Îmraliyî bêro wedaritene ma grevê vêşanîye danê destpêkerdene. Ma reyna veng CPTyî danê ke mesuldarî û wezîfeyê xo bi hawayêkê xoserî bîyaro ca.”