
Cinîya dengbêje Celîle zehmetîyê cuya xo bi kilaman ana ziwan 

2020-12-11 14:19:28


	&nbsp;

	Rojda Aydin

	&nbsp;

	ŞIRNEX - Kulturê dengbêjî her çend ke wayîrê tarîxêk kan bo zî, demê peyîn de ver bi vindîbîyayîşî şin o. Dengbêje Celîle Zeybeka dewa Heştan ê Şirnexî ra ya, va ke seba kulturê dengbêjî çin nêbo, lazim o her kes wayîrê nê kulturî vejîyo.

	&nbsp;

	Kurdistan de wexto ke qalê tarîxî yeno kerdene, şarê Kurdî yeno vîrê merdimî. Hema vajê pêro tarîxê kurdan bi kilamanê ke dengbêjan vatê, resayê heta roja ma ya ewro. Mîyanê kurdan de dengbêjî tesîrêk girîng keno ke merdim eşkeno pêro kultur û hunerê şarê Kurdî kilaman ra bimuso. Cinîya dengbêje Celîle Zeybek (45) a dewa Heştan ê Şirnexî ya ke 13 serrîya xo de bi zor ameya zewicnayene, dej û cuya xo bi kilaman ana ziwan. Celîle, domanîya xo de keye ra musena dengbêjî û ewro zî seba ke vindî nêbo wayîr vejêna.

	&nbsp;

	'Kultur û adetê verê zaf weş bi'

	&nbsp;

	Celîle, dîyar kerd ke aye bi emrê domanîye ra heta nika kulturê dengbêjî dewam kena û wina va: "Cuya ma bi koçerî derbaz bî. Wexto ke ma domanî bî, keyeyê mi pes weykerdene û ez zî her wext keyeyê xo dir şîne zozanan. Seba ke ma dewe de mendêne, ma her kar kerdêne. Cuya verê, cuya nika ra hîna weş bî. Êdî o kultur û adet nêmendo. Verê ma cinî û camêrdî ameyî têhet û ma şewe xo derbaz kerdêne. Ma veyvan de kilaman vatêne. Nika seb ake teknolojî aver şîyo, no kultur zî ver bi vindîbîyayîşî şin o."

	&nbsp;

	'Kulturê dengbêjî ver bi çinbîyayîşî şin o'

	&nbsp;

	Celîle tewr peyîn wina va: "Verê wexto ke bîne şand, pêro dost û cîran kom bîne û kilaman vatêne. O wext ma qij bî û tesîr serê ma de kerdêne. Gama ke şewe bîne û pîlê ma ameyîne têhet, ma domanî zî înan goşdarî kerdêne. O kultur mi ser tesîr kerd û mi zî dengbêjî dewam kerd. Ez serê cuye, dej, şayî û kêfweşî de vana. Verê televîzyon çinbi labelê ma bi kilaman û hîkayeyan şewa xo derbaz kerdêne. &nbsp;Dengbêjî kulturêk zaf weş o. Ma kilamanê serê Kurdistan û herra xo de vanê. Ez reyan kilamanê ke mi bi xo viraştê, vana. Nika semedo ke telefonî vejîyayî, tay kesî dengbêjî kenê. La wexto ke merdimî ewnîyenê kesê ke dengbêjî kerdê û ê nika kenê, bi taybetî serê xoverdayîş û têkoşînê Kurdistanî de kilamanê xo vatê. Ez reyan verê domananê xo de deyîran vana."

	&nbsp;