Zîndanê Bayburtî de tepişteyê ke grevê vêşanîye de yê cezaya têkilîye 

2020-12-10 14:58:49


	 

	ENQERE - Zîndanê Bayburtî de Gurbete Ceylan û Leyla Saraç ê ke grevê vêşanîye de yê seba ke tepişteyî bi deyîranê kurdkî û govendan paştî daye Gurbete Ceylan û Leyla Saraç ê ke grevê vêşanîye cezaya têkilîye girewte.

	 

	Zîndanê Bayburtî de Gurbete Ceylan û Leyla Saraç vera tecrîdkerdişê Rayberê PKKyî Abdullah Ocalanî grevê vêşanîye de yê. Tepişteyan îfade kerd ke ê do pê qerardarî grevê xo dewam bikerê û bale ante binpaykerdişanê heqan ser ke maruzê ci bîyî.

	 

	Seba govende girewtî ceza ameye dayene

	 

	Goreyê vatişê tepişteyan; 26ê teşrîna peyêne de tepişteyan Sîbele Kaya, Nurcane Ersoz, Ayfere Başlig û Mulkîye Dogan seba ke deyîrê kurdkî vatî û govendî girewtî îdareyê zîndanî derheqê înan de tehqîqat da destpêkerdene. Îdareyê zîndanî hêverî bi bahaneya ''govend girewtiş û bi ziwanê xerîbî deyîran vatiş'' dima zî bi bahaneya ''slogan û govendan'' tepişteyan rê cezaya têkilîye daye.