Ayşe Acar Başaran: Ma do bêveng nêmanê û nêtersê 

2020-12-07 16:17:07


	 

	ÊLIH - Vervatoxa Meclîsê Cinîyan ê HDPyî Ayşe Acar Başaran derheqê tecawuzê Kercewsî de qisey kerd û vat: “Ma tîya de reyke bîn veng danê û vengê xo berz kenê. Ma do destûr nêdê sergirewtişê dosyayê şîdetê cinîyan, dosyayê îstîsmarê domanan."

	 

	Qezaya Kercewsî ya Êlihî de selahîyetdaranê dewlete tecawuzê domanêke kerd. Vervatoxa Meclîsê Cinîyan ê Partîya Demokratîke ya Şaran (HDP) Ayşe Acar Başaran derheqê tecawuzê Kercewsî de eşkerayîyêke kerde. Ayşe Êlih de kombîyayîşêk de qisey kerd.

	 

	'Dayeyê kiştişî û desteştişî her roje zêde benê'

	 

	Dima ra Vervatoxa Meclîsê Cinîyan Ayşe Acar Başaran qisey kerd û va ke îqtîdarê AKPyî keno ke her roje şîdet û desteştişê serê  cinîyan zêde bibo û wina va: "Her roje xebera îstîsmarê domanan dîyena. La ma pê zanenê ke Kurdîstan de polîtîkayêka taybete yena caardene. Verî serebûtê Îpeke Er de çawişo pispor vera dîyabi. Selahîyetdaranê dewlete zî herinda ke Orhan hukm bikerê cinîyî kerdî hedef. Îstîsmarî pê polîtîkaya bêcezaverdayîşî nimîyenê."

	 

	Muxabira JINNEWSî ameye tehdîdkerdene

	 

	Ayşe reaksîyon vera nimtişê serê dosya zî da û va: "Tecawuzê Kercewsî sebebê îstîfa yo. Embaza ma ya ke Jinnews de xebitîyena û na mesele cigêraye Kercews de ameye gefwerdene. Seba ke komel pê nêhesîyo xebera serebûtî ameye astengkerdene. Înanê ke Musa Orhan vera da êyê ke vat 'Kercews de se beno' hedef kerdî."

	 

	'Ma do bêveng nêmanê û nêtersê'

	 

	Ayşe reaksîyon vera destbenkerdişî zî da û va: "Ma tîya ra rena vanê ke ma do nêverdê ke dosyayê şîdet û îstîsmaran ê ke unîformakerdeyî tede yê, bêrê mîyankerdene. Ma vera nê gefan de sereyê xo nêarê war û seba ke faîlî ceza bigêrê bixebitê."