
Baroyê Êlihî ra eşkerayîya Kercewsî 

2020-12-07 15:28:28


	&nbsp;

	ÊLIH - Derheqê hedîseyê hêrişê cinsî yê sîstematîkî yê hemverê domanêka &nbsp;ke Kercewsî de qewimya û mîyanê na hedîse de polîs, çawişê pispor û qorîcî zî estê, Baroyê Êlihî eşkerayî da. Eşkerayî de ame vatene ke ê do sey Baroyê Êlihî taqîbkerdoxê na babete bê.

	&nbsp;

	Dewêka girêdayê Kercewsê Êlihî de domana 15 serrî bi gerrekerdişê pîzeyê ci dejeno şina nêweşxane û uca de eşkere beno ke a domane bi tecawuzî dir rî bi rî menda û digane ya. Serê gerrekerdişî de eynî dewe de di camêrdî bi nameyê M.A. û V.A. ameyî tepiştene. Ame dîyarkerdene ke polîs, çawişê pispor û qorîcî zî eleqeyê înan bi na hedîse esto.

	&nbsp;

	Derheqê hedîse de qerarê nimtiş û qedexeyê weşanî ame, Baroyê Elihî serê hesabê xo yê medyaya dîjîtale de eşkerayî da. Baroyî dîyar kerd ke ê do taqîbkerdoxê dewa bê û va: "Wa bêro zanayene ke Merkezê ma yê Heqê Domanan û Cinî, taqîbkerdoxê na hedîse bê. Dimayê ke bi Edlîyeyê Kercewsî dir pêvînayîş bikerê, ma do do derheqê nê de eşkerayî bidê."

	&nbsp;

	Serdozgerîya Komara ya Êlihî zî îdia kerdib ke wezîfedarê selahîyetdarî mîyanê hedîse de nîyê û vatib, xebere zûr a.

	&nbsp;