
'Cinîyan rayîrê têkoşînî akerd' 

2020-12-06 14:03:16


	&nbsp;

	MÊRDÎN - Çalakgera TJA’yî Eylem Amak derheqê prosesê 3 mengan ya, “Ma Xo Pawenê' de dîyar kerd ke prosesêk têkoşînî bi û va: "Seke pêro cayê Tirkîya de ma Mêrdîn de zî hemverê tewirê şîdetî, prosesêk da destpêkerdene. Cinîyan bi waştişê xo, rayîrê têkoşînî akerdî."

	&nbsp;

	Kampanyaya Tevgerê Cinîyê Azadî &nbsp;(TJA) ke menga êlule de startê ci amebi dayene, menga xo ya 3ine de dewam kena. Çalekgera TJA’yî çarçewaya kampanya de xeylêk çalakî û bername organîze kerd. Cinîyan dir sihbet ame kerdene û problemê cinîyan ameyî goşdarîkerdene. Çalekgera TJA’yî Eyleme Amak derheqê prosesî de ajansê ma rê qisey kerd.

	&nbsp;

	'Ma do berardişê çalakîyanê xo bigîrê'

	&nbsp;

	Eyleme bale ante serê çalakîyê ke organîze kerdê û va: "Ma bi çalakîyêk girseyî dir startê kampmanya da destpêkerdene. Roja yewin ra heta peynî çalakîyê tewir bi tewir organîze kerdî. Pêro çalakîyê ma bi serkewte derbaz bî. Bi taybetî ma hewl da ke ma xo biresnê pêro cinîyan. Ma keye bi keye, taxe bi taxe geyrayî û ma cinîyan dir kewtî têkilî. Ewro û siba zî m ado berardişê çalakîyanê xo bigîrê."

	&nbsp;

	'Cinîyan her wext paştdayîş da ma'

	&nbsp;

	Eyleme wina dewam kerd: "Ganî ma ten a3 mengî ney, ma her wext mîyanê têkoşînî de bê. Atolye û pêvînayîşê ma yê bi cinîyan dir nê bingeyî de ame kerdene. Dewan, taxan, atolyeyê tekstîlan, mîyanê xebatkarê ramitişî de ma çalakîyê tewir bi tewir organîze kerd. Ma cinîyan dir seke hêrişê hemverê nasnameyê kultur, ziwan û cinsî munaqeşeyê hîra kerdî. Ma amancê kampanya qal kerd. Cinîyan zî na het ra paştdayîş da ma."

	&nbsp;

	'Yew sebebê şîdetî zî şîdetê ekonomî yo'

	&nbsp;

	Eyleme bale ant serê zêdebîyayîşê kiştişê cinîyan ê Mêrdînî û wina va: "Demê peyîn de Mêrdîn de qetlîamê cinîyan sewîyeya tewr cor de yo. Mêrdîn de tena hedîseyê seke taciz, tecawiz û şîdet zêde bîyê. Serdayîşanê ma de yew madeyêk tewr zêde ameyo qalkerdene, şîdet û tecawîz bi. Sewbîna cinîyan nê pêvînayîşan de bale antî serê rewşa ekonomî vatî yew sebebê şîdetî no yo. Pîlbîyayîşê krîzê ekonomî, bîyo sebebê pîlbîyayîşê şîdetî."

	&nbsp;

	&nbsp;

	&nbsp;